-244utriusque sexus Christi Fidelibus vere penitentibus et confessis, ac Sacra Communione refectis, qui aliquam ex ecclesiis tam erectis, quam in posterum erigendis Fratrum Ordinis Conceptionis B. M. V. Immaculatae Marianorum nuncupatorum die Commemorationis Omnium Fidelium Defunctorum, ac in septem diebus praedictam diem immediate subsequentibus singulis annis devote visitaverint, et ibi pro Christianorum Principum concordia, haeresum extirpatione, ac Sanctae Matris Ecclesiae exaltatione, pias ad Deum preces effuderint, plenariam spatio praedicti Octiduo per unumquemque Christi Fidelem semel tantum lucri faciendam omnium peccatorum suorum indulgentiam et remissionem, quam etiam animabus Christi Fidelium, quae Deo in charitate conjunctae ab hac luce migraverint, per modum suffragii applicare possint, misericorditer in Domino concedimus, praesentibus perpetuis futuris temporibus valituris. Volumus autem ut aliae indulgentiae pro Octiduo ejusmodi ecclesiis dicti Ordinis per nos die 26 Februarii currentis anni concessae revocati sint, prout per praesentes Apostolica Auctoritate revocamus, utque praesentium litterarum transumptis seu exemplis etiam impressis manu alicuius notarii publici subscriptis et sigillo personae in ecclesiastica dignitate constitutae munitis eadem prorsus fides adhibeatur, quae adhibetur ipsis praesentibus si forent exhibitae vel ostensae. Datum Romae apud S. Mariam Majorem sub Annulo Piscatoris, die 5 Maii Pontificatus nostri anno 12. D. Cardinalis Cassionelli Congregatio Generalis in Conventu Rasnensi a. 1753 Litterae Innotescentiales [Prot.Ras.66] Fr Cajetanus Wetycki Congregationis Immaculatae Conceptionis Beatissimae V. Mariae Patrum Marianorum Praepositus ac Superior Generalis. Dilectis Nobis in Christo Adm. Venerandis, Reverendis, Multum Venerandis Patribus ac Fratribus Salutem et Benedictionem ab eo qui est vera salus. Triumphati Gloriosissimi Salvatoris nostri stimulatus Assumptione, qui dum post exantlatos redemptionis generis humani labores ferebatur in caelum benedictionem suam Divinam omnibus impertitus est. Ne vero ex recessu suo corda in terra relictorum maestitia replerentur, consolari eos per adventum Spiritus Sancti appromisit. Hoc inquam motus Salvatoris Nostri exemplo principium omnis operis sumens a Deo recurrente annuali Congregationis tempore praesentibus Innotescentiatibus Litteris futuram Canonicam Visitationem per conventus pro
RkJQdWJsaXNoZXIy MjI2Mw==