-233expeditos vero quam citissime revocent, ut uniuscuiusque justo desiderio documentum solatii praebere valeam. Decrevimus vero Congregationem Annualem fieri in Conventu nostro Rasnensi 28 Iunii, ad quam legitime celebrandam (prout de jure competit) in humanissime Adm. Venerandos Patres Assistentes, ut sistant in praedicto conventu duabus diebus ante Actum Congregationis: hoc est 26 Junii, aliis ibidem accedentibus facultatem omnino interdicimus sub poenis nostro arbitrio ferendis. Volumus ut regestra perceptarum et expensarum accurate et fideliter connotata, et a Patribus Discretis semper post quadrantem anni subscripta Nobis transmittantur ad videndam fidelitatem tam Superioris Localis, quam depositarii. Item juramentum fidelitatis de absolutis missis, et resignationem officii suae Praesidentiae quilibet Superior Localis. Item curabunt Reverendi Patres Superiores Locales facta intimatione visitationis meae contentare Patres et Fratres quoad redditionem habitus et aliorum necessariorum unicuique secundum puncta capitularia. Tum etiam familiam domesticam, ne turber querelis tempore illo. Praeterea ut inveniam bibliothecam et sacristiam juxta regestra bene compositas. Item ut quilibet notificet mihi fideliter pecuniam suam quidnam habuerit. Item utrum omnis absolverit recollectiones, si autem aliquis non absolverit hic et nunc absolvat. Ut autem hae litterae meae omnibus innotescant curabunt Reverendi Patres Superiores Locales eas tempore mensae legi et ad intelligendum unius cuius vis, et in librum ad id paratum ingrossari, tandem subscribendo se in his meis Innotescentialibus, de facta lectione et ingrassatione sine mora per fidelem aliquem cursorem ad proximiorem conventum hos meas patentes transmittent in cooperto sigillato cum inscriptione ad Superiorem conventus proximioris. Et quoniam haec visitatio absque Divino adiutorio fieri nequeat, quapropter pro meliori incremento Congregationis et uniuscujusque desiderio, facta publicatione imploretur in dies Divina Maiestas mane post Tertiam Conventualis Missae tempore, Vesperi, finito Matutino per hymnum Veni Creator Spiritus cum versu et oratione, nec non de Immaculata Conceptione cum oratione Defende qaesumus. Tempore vero Actus Congregationis quilibet Superior Localis curabit Missam Votivam de Spiritu Sancto decantari, et omnes Sacerdotes in suis privatis missis collectam apponent de Spiritu Sancto, Fratres vero Clerici et Laici confitebuntur, et sub eadem Missa Sacram Synaxim summent, ut Deus benedicere dignaretur actui huic. Valete in Domino, et orate Deum pro me peccatore. Datum in Conventu nostro Rasnensi sub titulo Sanctae Annae die 26 Maii cum appositione Sigilli Congregationis Anno Domini 1751. L. S. Fr Cajetanus Wetycki S. T. L. Praepositus Generalis
RkJQdWJsaXNoZXIy MjI2Mw==