-204Reverendis Patribus Praesidentibus recommendamus, ut secundum sancitum in nostra Canonica Visitatione ad manus nostras in scripto sua officia, cum subscriptione manuam resignent, in hunc modum: Ego NN. resigno officium Praesidendae meae in manus Admodum Reverendi Patris Praepositi Generalis Superioris mei collendissimi. Et quoniam ut notum est omnibus Secretarius de Congregatione nostra excisus est, in cujus locum Reverendum Patrem Benedictum S. Theologiae Moralis Lectorem subrogamus qui pro die 28 Maii ad 1™ Conventus Goźlinensis visitationem in eodem conventu compareat, ibique juramentum de fidelitate servanda coram nobis deponat Praesentibus mandamus. Reverendis vero Superioribus Localibus intimamus, ut regestra exacte parata tam sacristiae, quam bibliothecae ad nostram [45] visitationem habere curent. Regestra vero pecuniarum perceptarum et expensarum ad congregationem transmittant, nec non juramenta ut moris est missarum persolutarum. Ne autem nostra canonica congregatio aliquem lateat ejusdem canonicae celebrationis diem 17 Junii in conventu Goźlinensi assignamus, ad quam rite celebrandam invitamus omnes ad quos de jure, videlicet Adm. Reverendos Patres Congregationis, nec non Adm. Venerandos Patres Assistentes et non alios. Volumus autem ut omnes os ad os Spiritus Veritatis uti Consolator optimus attingat. Ideo ne in actu Canonicae Visitationis aliquid meae ac vestrae consolationi contingat, his patentibus sub merito Sanctae Oboedientiae obtestor Superiores Locales, ut omnes ad hancce meam visitationem ad proprios conventus revocent. Obsecro Vos omnes et singulos Patres et Fratres diarissimi ne ultra spheram fraternae sinceritatis et charitatis excidatis immo propriae salutis memores, ea solum quae verus religiosae observantiae amor tanquam vitiosa dictaverit deponenda unusquisque cum fiducia deponat. Ut autem hanc Congregationem majori cum emolumento ac Visitationem Canonicam persolvere valeamus, consuetas orationes de Spiritu Sancto post Primam et Vesperas recommendamus. Iam vero ipso die Congregationis Votivam de Spiritu Sancto in quolibet conventu hora 8va decantandam. Commendamus igitur Superioribus Localibus, ut publice Praesentes nostras ad mensam canonicam perlectas, et in librum ad id paratum ingrossatas, sine mora de conventu ad conventum via cursoria ut inferius patebit in cooperta obsigillatas transmittant. In quorum fidem praesentes manu nostra subscriptas et sigillo munitas de Conventu nostro Skurcensi ad Conventum [=Conversionem] S. Pauli extradidimus Anno Domini 1748 die 18 Maii. L + S Fr. Casimirus Wyszyński Praepositus Generalis mpp.
RkJQdWJsaXNoZXIy MjI2Mw==