-13Tempus celebrandi Capituli iuxta necessitatem et commoditatem illorum, nec non Admodum Paternitati Vestrae Reverendae indicet Auctoritate Nostra. Demum adveniente termino Capituli celebrandi in eadem pariter Auctoritate Nostra praesideat. Novum Praepositum Generalem per scrutinia elicienda elegi faciat. Taliter electum pro legitimo Praeposito pronunciet, ceteraque peragat iuxta occurentiam necessitatem, seu exigentiam. Nos enim ad hunc effectum, prout et alios effectus, si qui occurent, plenam facultatem decidendi et statuendi tamquam in Capitulo Generali perficientem Paternitati Vestrae Admodum Reverendae per praesentes delegamus. Mandantes propterea omnibus et Religiosis dicti Ordinis, quatenus Admodum Paternitatem Reverendam Vestram pro legitimo Praesidente recognoscant, eidemque pareant, sub poenis in Constitutionibus eorum Ordinis et Nobis arbitrariis. In quorum fidem, datur Varsaviae hac die Vigesima quinta Mensis Septembris Anno Domini Millesimo Septingentesimo Secundo. Franciscus Pignatellus, Archiepiscopus Tarentinus Nuntius Apostolicus Locus Sigilli Septimius Paulutius Actuarius Generalis Adalbertus Sk Warczyński Cancellarius Facultas indicendi Capitulum et in eodem presidendi Intellexistis Patres et Fratres viscerosissimi in Domino quod et sensistis praecordialiter ex orbitato Capitis Vestri Praepositi Generalis Patris Amantissimi, non in novo dolores mortem sileo quae sat lacrymas ex oculis filiorum elicuit, satis angores cordi vestro intulit. Post Machabaeum Patrem defunctum filius in partem Officii deligebatur, qui regeret Fratres suos in quem effectum cum meam humilem Personam Apostolica Nuntiatura cum sua Auctoritate assumpserit, delegaverit et illud demandaverit, quatenus Paternitatibus et Fraternitatibus tempus et diem Capituli et electionis Praepositi Generalis indicerem, in eoque actu cum facultatibus Illustrissimi Nuntii Apostolici praesiderem. Quocirca merore demisso erigite capita vestra ad Patrem Luminum, qui illuminat omnes intelligentias hominum [165] et ostendit viam bonam per quam ambulent et dant gloriam. De capite agitur quis vestrum sit dignus a Domino nominari Cepheis; cogitate in vobis caput ossibus armatum, meritis rigatum, sensibus ornatum; sit pro omnibus firmitas, pro medulla pietas, pro sensibus prudentia. Eligite ex Vobis caput; sit forte a malo ad resistendum, sit vigil in bono ad custodiendum, sit providum in omnibus ad regendum. Providete in medio Vestri Virum cui Deus placite imponat homines super caput eius: caput inquam sanissimum, ne Capite aegrotante caetera membra doleant. Ponite imum de Fratribus vestris cui credatis corda vestra, subiiciatis capita vestra, colatis Patrem, obediatis Praeposito Vestro qui pervigilabit quasi rationem pro animabus Vestris tempore suo redditurus. Et quia omne datum optimum et omne donum perfectum desursum est descendens a Patre Luminum; proinde pulsate
RkJQdWJsaXNoZXIy MjI2Mw==