-14humillimis obsecrationibus piissimas supremi Orphanorum Patris aures, deprecemini omnipotenem Maiestatem Magni Dei, qui corda novit omnium et ostendere quem elegerit ex vobis locum dignetur de quo recessit Fundator Vester. Huic itaque actui electionis Auctoritate mihi commissa, diem undecimam mensis Octobris deputo, et promulgo, in Conventu Gorensi, ad quem omnes et singulos Patres ex Sacro Ordine Praesbyteratus insignitos invito et convoco, qui ad commemoratum conventum suum duobus diebus ante undecimam comparere tenebuntur. Caetera ut cogitata ad Maiorem Dei Optimi Maximi laudem et honorem, Religionis suae incrementum, animarumque Vestrarum salutem. Nostra et Vestra praecedant consilia, eiusque praeveniente et adiuvante gratia felici coronentur exitu, volumus et ordinamus, ut necessariam Spiritus Sancti assistentiam devotis imploretis precibus, in quem finem post matutinas Laudes a tempore receptionis harum in unoquoque conventu recitetur devote hymnus Veni Creator Spiritus cum tribus collectis, quarum prima sit de Spiritu Sancto, secunda de Immaculata Conceptione, tertia de Sancto Iosepho. Ut autem hae nostrae litterae omnibus pateant ordinamus et in communitatibus legantur, et in Protocollo conventus describantur. Interim valete Patres et Fratres Dilectissimi in Domino Nostro, quem in Seraphica Charitate alloquor et venio ad vos in suis orationibus memores. Datum in hoc Nostro ad Sanctum Antonium Conventu Varsaviensi Patrum Reformatorum, Anno Domini 1702 Die 1™ Octobris. Locus Sigilli. Fr Ludovious Borzewski Ex-Minister Provincialis et Capituli Marianae Congregationis Praesidens mpp. [Prot.Ord.165] Capitulum et Electio Canonica declaratur. In Nomine Domini Arnen. Anno Domini 1702 die 11 Mensis Octobris, Admodum Reverendus Pater Ludovicus Borzewski Ordinis Minorum Reformatorum Provinciae Sancti Antonii in Maiori Polonia, S. T. L. ac Praedicator, et huius Congregationis Marianae Immaculatae B. V. Mariae Capituli Generalis Praesidens, accedens ad Canonicam Electionem Praepositi Generalis. Habita prius pro hoc celebrando actu Illustrissimi et Reverendissimi Domini Francisci Pignatelli Dei et Apostolicae Sedis gratia Archiepiscopi Tarentini, Sanctissimi Domini Nostri pro tunc Domini Clementis Divina providentia Papae, eius Nominis Undecimi Praelati Domestici et Assistentis eiusdemque, et Sanctae Sedis Apostolicae, ad Serenissimum Augustum Secundum Regni Poloniae potentissimum Regem totumque Regnum Poloniae et Magni Ducatum Lituaniae, cum facultatibus Legati de Latere Nuntii Licentia, cum plena Auctoritate eiusdem celebrandi, statuendi, decidendi et denunciandi in omnibus hunc actum concernentibus. Itaque praedictus Admodum Reverendus Pater
RkJQdWJsaXNoZXIy MjI2Mw==