-12CAPITULUM GENERALE PRIMUM in CAENACULO DOMINI a. 1702 [Prot.Ord.163] Caput 2dum, in quo primum Capitulum cum Canonica Electione novi Superioris celebratur. Innotescentiae Commissarii Frater Ludovicus Borzewski Ordinis Minorum Sancti Patris Francisci Reformatorum S. Antonii Provinciae Maioris Poloniae Exminister Provincialis S. T. L. ac Praedicator. Et de auctoritate Nuntiaturae Apostolicae Ordinis Mariani Immaculatae Conceptionis B. M. Virginis pro Capitulo Generali Praesidens deputatus. Admodum Reverendis, Reverendis Multum Venerandis Caeterisque Religiosis eiusdem Instituti Patribus et Fratribus Salutem a Domino et copiosam Benedictionem. Spiritu Seraphico praeostendente Caetum Minoritium post vestigia Ductoris sui gradientem, debere illud gratum Superis Servitium, non sibi soli vivere sed et aliis proficere. Tenuitatem meam, quam Patris in Filio notavit [164] character, hanc vidit propensio Vestra eamque designavit Apostolicae Nunciaturae Auctoritas, in quem effectum rem coram facio. [Prot.Ord.164] Franciscus Pignatellus, Dei et Apostolicae Sedis gratiae Archiepiscopus Tarentinus Sanctissmi Domini Nostri Domini Clementis Divina Providentia Papae, eius Nominis Decimi Praelatus Domesticus et Assistens eiusdemque et Sanctae Sedis Apostolice, ad Serenissimum Augustum Secundum Poloniae Regem potentissimum totumque Regnum Poloniae et magnum Ducatum Lituaniae cum facultatibus Legati de Latere Nuntius. Dilecto Nobis in Christo Admodum Reverendo Patri Ludovico Borzewski Ex- ministro Provinciali Ordinis S. P. N. Francisci strictioris observantiae Reformatorum Salutem in Domino sempiternam. Sciverit Paternitas Vestra Admodum Reverenda, recursum factum fuisse ad Nos pro parte RR. PP. Totiusque Ordinis Mariani Immaculatae Conceptionis Beatissimae Mariae Virginis, et expositum, quomodo secuta morte Admodum Reverendi Patris Stanislai a Iesu Maria, Eorundem Praepositi Generalis, nuper defuncti, ipsa Congregatio Mariana praedicta capite orbata sit. Nobis propterea humiliter supplicatum, quatenus eandem Congregationem et Ordinem protegentes ipsis Capitulum celebrandum. Electionis novi Praepositi indiceremus, et Praesidentem qui huiusce modi Capitulo praeesset deputaremus. Hinc est, quod de prudentia dexteritate et zelo Admodum Paternitatis Vestrae plurimum in Domino confidentes, eidem committendum esse duximus, prout committimus per praesentes, quatenus facta conferentia cum ipsis Patribus Marianis antedicis.
RkJQdWJsaXNoZXIy MjI2Mw==