-106Reverendos PP. Superiores ut has innotescentias Nostras in plena communitate sua perlegere curent perlectasque ac inscriptas in fibro conventus ad hoc comparato, explicare vernacula lingua non intelligentibus Fratribus satagant, ac in latere eorum circa sigillum apposita manu propria cum annotatione diei receptionis et remissionis proprium nomen subscribant, ac iuxta cursoriam de foris annotatam ad conventum per certum cursorem sine mora transmittant. Valete igitur in Domino Desideratissimi Patres et pro me pauperculo peccatore Divinam exposcite Maiestatem. Datum in Conventu Eremi Corabieviensis die 24 Novembris anno 1737 ad Sanctum Michaelem Archangelum. [Frater Franciscus Kowalski Commissarius Generalis mpp.] [Prot.Cor.22] Litterae Convocatoriae ad Capitulum celebrandum Anno Domini 1737 Fr Franciscus Kowalski Ordinis Minorum S. P. N. Francisci Reformatorum Provinciae Divi Antonii Paduani Maioris Poloniae S. Theologiae Lector et Custos Actualis ac Almae Congregationis Marianae Immaculatae Conceptionis B. V. Mariae Commissarius Generalis et Servus. Opitulante Deo Ter Optimo Maximo, assistentibus pro commitatu Spirituali itineris nostri piissimis precibus Vestris Patres ac Fratres Mariano corde dilectissimi majori ex parte cursum Canonicae Visitationis prospere peregimus, iamque ad terminum principalem et nostri muneris, et huius honorandissimi Mariani Coetus desideriorum enixe collimantes, campum scilicet electoralem, non tam calamo quam potius cordis aperto ore interiora nostra vobis manifestamus, curae solicitae scilicet nostrae esse non tam praesidere et praeesse capitulariter congregatis, quam omnibus et singulis in Christi Visceribus dilectissimis, ea quae sunt pacis, et tranquifitatis per imminentem electionem providere. Spem firmam habemus in piissimo suffragio per nostras innotescentiales nuper recommendato, cum successurum Rectorem huius Almae Congregationis, quem Digitus Paternae dexterae Spiritus Sanctus unanimi voto electorum pro incremento gloriae Altissimi, augmento majori regularis observantiae demonstrabit iuste currentem candidatum. Itaque communicato consilio, cum illis quos de jure concernit, Conventum Capitularem Skurcensem determinamus, assignamus, diemque Canonicae Electionis futuri Admodum Reverendi Praepositi Generalis 12 mensis Decembris anni currentis designamus, praesentibusque declaramus, ad quem actum Capitularem Admodum Reverendum Patrem Praepositum Generalem, Admodum Reverendos Patres Congregationis Marianae, Reverendos Patres Assistentes, Reverendos Patres Praesidentes enixe invitamus, et sub merito salutaris oboedientiae exposcimus, pro die 10 eiusdem, ad minimum circa Vesperas hac praecautione apposita, ut si quis
RkJQdWJsaXNoZXIy MjI2Mw==