-105Almae Congregationis Marianae Immaculatae Conceptionis B. V. Mariae Commissarius Generalis et Servus. Ille visitans ex alto cuius in infimis summa gloria, in parvis maxima virtus agendi elucet, et qui a peccarum pecudumque grege in selectae et dilectae gentis pastores eligere, ex pastoribus reges creare, de pulvere erigere cumque principibus collocare, ex minimis magna stupendaque opera producere consveverat, etiam me de Ordine Minorum Minimum, ad Commissarii Generalis munus sublimare dignatus est, huiusque muneris ac officii onus mihi a Reverendissimo Petro Paulo a Cirignolla Vicecommissario Generali Superiori Colendissimo de data 14 Septembris anno 1737 Romae imponi placitum sit. Quarum vigore sicut seraphicae professionis vinculum ab omni eiusdem nutu dependentes nos facit, ita ad obsequiosissimum Almae Congregationis famulatum humilitatem nostram promptiorem constituit. Huius erga officii oneri et suavissimo [21] oboedientiae jugo humillime collo submisse in virtute meriti, hocce mirifice disponentis Dei factum vobis in Christo visceribus Mariani, Coetus Mariano corde Dilectissimis Patribus Admodum Reverendis, Reverendis, Multum Venerandis ac Fratribus, significamus nostrisque pastoralibus litteris manifestamus nosque ad vestra desideria et postulata de licentia ac mandato Reverendissimi Vicecommissarii esse huius praeclarae Congregationis Marianae Commissarium Generalem declaramus, declarando omnes et singulos certificamus. Vestrae igitur humanitatis erit hanc insinuationem officiosam nostram eo acceptare animo quo nos (itinerum arduitate non obstante) servituti huic Mariano Coetui promptiores nos semper comprobare vivis in desideriis habemus. Et quia omnis prosperitas et caelestis benedictionis affluentia pro ulteriori cursu tam officii nostri, quam Vestrorum desideriorum pendet de manu Altissimi, quapropter orate sine intermissione aestimatissimi Patres et Fratres Patrem Spirituum ut mittat Spiritum pacis et tranquillitatis in corda vestra quo Supremo Rectore efficaciter in Vobis operante dirigantur corda vestra, quam exoptatissime et conformiter bono publico ad imminentem electionem Superiori huius Dignissimi Mariani Coetus, de qua brevi post accepta cum Admodum RR. PP. huius Almae Congregationis, tum Reverendis Assessoribus notitiam et hoc in puncto conferentiam patentaliter certificabimus diemque canonicae huius electionis assignabimus. Interim ad hunc finem ordinamus ut in quolibet conventu post publicationem harum Nostrarum pastoralium litterarum, persolvantur suffragia scilicet hymnus Veni Creator cum oratione de Spiritu Sancto, Immaculata Conceptione et Divinissimo Sponso Eius Josepho, post Matutinum et Vesperas, Reverendi Patres vero Praesidentes intra hoc tempus suam communitatem intra limites sui conventus contineant, et si qui extra in obsequio spirituali reperiantur, eos indilate revocent, sollicitae enim curae nostrae est singulorum PP. ac Fratrum desideria particularia, tum concernentia Sanctam regularem observantiam benevole exaudire, ac pro posse votis cuiusque iustis prodesse. Ut autem notitia praesentium ad omnes et singulos perveniat obligamus enixe
RkJQdWJsaXNoZXIy MjI2Mw==