-93terram, idcirco vadam et videbo, an voto conjurati milites Mariani praeliati fuerint bella Domini cum potentia, militia enim vita hominis est super terram, si non aliquando malatio [=malacia]; omnes enim omnium humanorum actus sensuum obsidentur a Portis Inferi, librantur infestationum arietes, mundus dolosus struit insidias, daemon adhibet tentationum machinas, caro mollitur cuniculit verbo: omnes in hunc scopum laborando concentrant, testante Divi Chrisostomi aurea facundia Serm. 12. Ut corpus animae domicillium, murum Spiritus, virtutum scholam, Dei templum, in scenam criminum, in vitiorum pompam, voluptatum redigant in theatrum. Vadam idcirco lustraturus an juxta mandatum David Psal. 44 v. 3 Accinge gladio tuo super femur tuum potentissime; accincti fortitudine, galleati robore, et cataphracti lorica timoris Domini contra hostes humani generis gloriose dimicaverint, classicum canem indagaturus, quomodo Patres Praesidentes aciem suorum militum direxerint? utrum milites suos per laudabilem directionem adeo in vinculis pietatis et charitatis concatenatos servaverint? ut nulla tenebrarum hostilis principis fuerit corruptio pertimescendam; An gladio boni exempli suas semper animaverint gregarios milites ad fortiter standum in Castris Marianis seu in via mandatorum Domini, langvescente enim capite, membra regularis observantiae, claustralisque disciplinae, saepe saepius vacillant et langvescunt. Descendam in castra lustraturus munitionum turres? an vigilantiae nocturnae, diumaeque chori et motiones Laudis Divinae ad amussim observatae fuerint? Lustraturus excubias: non enim audiendi sunt filii lucis, qui tenebras matutinas horrent, quia media nocte surgebam ad confitendum Nomini Domini. Descendam in castra visitaturus phalanges: An centuriones et chiliarche debitas portiones annonae charitative suis caeteris religiosis distribuerint? An vexilla aedificationis coram populo expanderint: subditi vero an in humilitatis submissione tesseram passionis et mortificationis Iesu Christi jugiter in corpore suo portaverint? Ducunt namque saeculi hujus milites vitam miseram monastica lege duriorem; prout claris teriminis elucidat S. Augustinus in Psal. 30, ser. 2: Veterani homines qui in militia laborant, et versantur inter vulnera, tot annos incipiunt militare a juventute sua: quanta dura tollerant? quae itinera? quae frigora? quos soles? quantas necessitates? [12] quanta vulnera! quae pericula! Si consideramus causam tanti laboris, merces levis et brevis, inanis vana gloria; ast maiora promissa sunt nobis, sumpsumamus itaque scutum inexpugnabile devotionis, clypeum virtutis; et apocalipticum gladium ancipitem fervoris et pietatis, cum nobis legitime certantibus immarcessibilis apposita sit corona gloriae: rursus attestante Divo Augustino Epistola 14: Spes praemii solatium est laboris. Haec utilitas effigiatur 1 Reg Cap 17 [1 Sm 17,17-18]: Fratres suos visitabis si recte agant, et cum quibus ordinati sunt disce. Simile mihi commissum a Reverendissima .Apostolica Nunciatura supplente pro nunc defectum facultatis Reverendissimi Generalis Superioris Nostri Colendissimi, uti oboedientia ab eadem Apostolica Nunciatura mihi data obloquitur; quam omnibus et singulis nunc transmitto, et in virtute salutaris oboedientiae
RkJQdWJsaXNoZXIy MjI2Mw==