-92CAPITULUM GENERALE DECIMUM in CONVENTU EREMI CORABIEVIENSIS a. 1734 [Prot.Ord.228] Caput 8vuni. Protocolli Ordinis Immaculatae Conceptionis B. V. Mariae Patrum Marianorum Congregationis Polonae Defunctis et Parochis in cura Animarum Suffragantis, in quo inscribuntur Acta Capituli in Conventu Eremi Corabieviensis sub die 5 Iulii Anno Domini 1734 celebrati, praesente et sub Praesidentia Admodum Reverendi Patris Rochi Chelchowski Ordinis Minorum S. Francisci Reformatorum Provinciae Maioris Poloniae S. T. L. Ex-Difinitoris eiusdem Provinciae Guardiani Conventus Albae Ducalis, actualis Commissaris et Visitatoris Generalis. [Prot.Cor.10] Litterae Innotescentiales Litterae Innotescentiales Admodum Reverendi Patris Rochi Chelchowski Commissarii ac Visitatoris Generalis Anni 1734 de die 21 Iunii. Fr Rochus Chelchowski Ordinis Minorum S. P. Francisci Reformatorum S. Theologiae Lector Exdefinitor Provinciae Majoris Poloniae S. Antonii Paduani Guardianus Actualis Albae Ducalis et Servus. Universis et Singulis Admodum Reverendis, Reverendis Multum Venerandis Marianae Congregationis in Christo Dilectissimis Patribus ac Fratribus copiosam Dei benedictionem et Salutem in Domino. Benedictus Deus Israel populi sui et haereditatis suae, quales vos estis Admodum Reverendi, Reverendi, Multum Venerandi, Venerandi Patres et Fratres in Christo Dilectisimi, quia visitat vos Oriens ex Alto in humili persona mea, iam vice secunda, o utinam secunda! licet calamitosa hac Regni vicisitudine: non ad aliud nempe, nisi ad dirigendos pedes Vestros in viam pacis et prosperitatis, ac charitatis mutuae, nec non augendae promovendaeque Congregationis Marianae. Maria enim ut Castrorum Acies Ordinata, ordinabit vobis orantibus optatissimam pacem et clangentibus ubique sanguinolentis [11] Bellonae buccinis, Martis tormentis roborantibus, cunctis armentariis ad hastas acuendas, ad machinas fundendas, ad cuncta in quam Vulcani arma fabricanda occupatis. Ego etiam inhaerendo Sacri Concilii Tridentini Decretis, et remedium Constitutionum formae et normae, notifico me esse Commissarium et Visitatorem Generalem ad visitanda Mariana Castra. Meis enim auribus insonare videtur Divinum illud ad Israeliticum Achillem Gedeonem, factum oraculum Judic. Cap 7, ver. 9: Surge et descende in Castra. Descendam itaque ad Mariana Castra Congregationis Polonae, quae est ut castrorum acies ordinata: Et cum secundum patientiae principem Job Cap. 7,1: Vita hominis sit militia super
RkJQdWJsaXNoZXIy MjI2Mw==