982 orator crucifixus dens opportunum tempus alloquendi tui per sanctas inspirationes, aliosque modos praestolatur: et dum hoc saepius facit, tu dissimulas; offert se tibi, tu refugis; ostendit, quam pronus promptusque sit ad remittenda tibi delicta, tam innumera, tamque gravia, tu non vides; rogat denique potum lachrymarum, et non imperties? Non enim aliud appetit, cum petit, “da mihi bibere”, quam fontis oculorum lymphas. [gv] Sed, iam ad extremam Domini mei sitim delabor. Pendebat is Crucis in trabe medius duorum latronum, totus quantus quantus vulneribus oppletus, confixis manibus ac pedibus, spineo diademate cruentatus, et praeterea blasphemantium acerbissimis dicteriis proscissus. Territus interea Sol tam atroci spectaculo, tamque immani hominum in suum Conditorem scelere, oculis eorum se subducit, toti mundo nox incubat atra: gemit praeterea tellus, reboat aether, scinduntur rupes, velum templi rumpitur, tota rerum natura commovetur.141 Solus Iesus in cruciatibus inexplicandis persistens immotus lenta voce exclamat: “Sitio”. Hic Magdalena Liberatori suo vehementissime compatiens tacita lamentabatur: Ah! “Sitio”, clamas: desunt his rupibus undae. Sola fluunt oculis flumina, sola bibe. Non aliud sanctissima Genitrix, non reliquae Matronae huic tris- tissimae Tragediae praesentes, fecere: lachrymas nimirum suas dilecto Servatori sitis extinguendae causa offerebant. Miles duntaxat, raro promptus ad pietatem, novo scelere sitim coelestis Imperatoris irritabat. “Spongiam plenam aceto hyssopo circumferentesa” (hanc relationem facit de Martis alumnis alumnus Christi Ioannes) “obtulerunt ori eius” [Io 19, 29]. Opinor, Dominum idem nunc fecisse, quod paulo ante cum eodem aceto felli permixto fecerat. Nempe “cum gustasset, noluit bibere” [Mt 27, 34]. Noluit omnino bibere, qui longe alia siti torquebatur. Non enim liquorem aliquem expetebat, qui nec edisse, nec bibisse [g2r] quadraginta diebus poterat. “Habuit b aliam sitim” (pie conicit 141 Cf. Mt 27, 45-51.
RkJQdWJsaXNoZXIy MjI2Mw==