952 orator crucifixus O fortissimum et validissimum arietem Poenitentiae! quae Deo facit violentiam, rapit coelum, expugnat paradisum. Iuvat hoc ipsum eleganti historia elucidare. Magdeburgum, nobilissimum et opulentissimum ad Albim Emporium38, ad eam opportunitate loci (quod Florus Germanicus39 [c 2r] affirmat) paulatim potentiam excreverat, ut Romanis Imper[atoribus] saepe grave, illusis eorum conatibus, suam multis saeculis virginitatem illibatam conservaverit40. Sed hanc auspiciis Ferdinandi Augusti41, cuius imperium excutiebat, Urbi rebelli erepturus Magnus ille piusque bellator Tyllius42, eam grandi exercitu cinxit, spoliatamque pro- pugnaculis, fame pressam, tormentis laceram ad deditionem compellere satagebat. Et iam cives non exiguis afflictii malis clementiam victoris quam ruinam urbis experiri potius cupientes, ei sese conditionibus quibusvis tradere destinabant, in eumque finem tubicinem ad Tyllium expediebant; cum, segnius re procedente, socius obsidionis alter, Pappenheimiusa, fortissimus et pugnacissimus miles, gloriae, forsan et praedae, avidus in urbis inimicae perniciem suos ita (iuxta Baptistam Burg.43) concitat: “Quousque” (dicebatb) “rebellis haec civitas vestram virtutem, commilitones, eludet? Anne huic obsidendae nostram omnem aetatem impendemus? impunes nobiscum Magdeburgenses transigent? Servabunt patriam, domos, aurum, qui tantum nobis negotii facessiveruntc; nos, qui tot tantosque labores in hac obsidione exantlavimus, sine proemio abi38 Cf. Theseider Eugenio D., Magdeburgo, in: EI XXI, 877-879, ubi legitur: “Importante città della Germania..., posta sulla sinistra dell’Elba in ottima posizione commerciale.” 39 Probabiliter sic denotatur historicus germanus Petrus Baptista Burg(us) qui de bello Sveco-Germanico scrripsit (v. infra, no. 42), ad instar famosi historici romani cuius nomen: Florus Lucius Annaeus: “a Roman historian of the second century A.D., who composed an epitome of Roman military history” (CLND); cf. WEP, 3, 740. 40 Sic commemoratur nomen huius civitatis: Magdeburgum, quod est “antico alto tedesco magad ‘vergine’”; ita sec. opus in nota 18 indicatum. 41 Cf. Duch A., Ferdinand II (1578-1637), in: LThK VIII, 80. Fuit Augustus ab anno 1619. 42 Cf. Ryster Julian, Tilly Jan T. (1559-1632), in: PEK XXXI-XXXL, 156, ubi Tilly describitur uti “sławny wódz wojsk ligi katolickiej w trzydziestoletniej wojnie”. Cf. etiam: Albrecht D., Tilly, Johann T., in: LThK X, 196. 43 Agitur de auctore cuius nomen est: Petrus Baptista Burg(us) Genuensis.
RkJQdWJsaXNoZXIy MjI2Mw==