915 reconciliatio templi mystici do mala mea redimere, redempta non iterare. Da, Domine Deus meus, cordi meo poenitentiam, spiritui contritionem, oculis lacrymarum fontem, manibus eleemosynae largitatem. Rex meus, extingue in me desideria carnis, et accende ignem tui amoris. Redemptor mei, expelle a me spiritum superbiae, et concede propitius thesaurum humilitatis tuae. Salvator mei, amove a me furorem irae, et indulge mihi benignus scutum patientiae. Creator mei, evelle a me animi rancorem, et largire mihi a mentis dulcedinem. [212] Da, clementissime Pater, mihi solidam fidem, spem congruam, charitatem continuam. a add. “mitis” (AMS) Rector mei, averte a me vanitatem, mentis inconstantiam, cordis vagationem, oris scurrilitatem, oculorum elationem, ventris ingluviem, opprobria proximorum, scelera detractionum, curiositatis pruriginem, divitiarum cupidinem, potentatuum rapinam, inanis gloriae appetitum, hypocrisis malum, adulationis venenum, contemptum inopum, oppressionem debilium, avaritiae ardorem, invidiae rubiginem, blasphemiae mortem. Reseca in me, Factor mei, temeritatem, iniquitatem, pertinaciam, inquietudinem, otiositatem, somnolentiam, pigritiam, mentis [213] habetudinem, cordis caecitatem, sensus obstinationem, morum truculentiam, boni inobedientiam, consilii repugnantiam, linguae refrenationemb, pauperum praedam, impotentum violentiam, innocentum calumniam, subditorum negligentiam, circa domesticos severitatem, adversus familiares impietatem, erga proximos duritiam. b “effrenationem” (ibid.) Deus meus, misericordia mea, oro te per dilectum Filium tuum, da mihi misericordiae opera, pietatis studia; compati afflictis, consulere erroneis, succurrere miseris, subvenire egenis, consolari maestos, relevare oppressos, pauperes recreare, flebiles refovere, dimittere debitoribus, parcere in me peccantibus, odientes [214] me diligere, pro malis bona reddere, neminem despicere, sed honorare; bonos imitari, malos cavere; virtutes amplecti, vitia reice-
RkJQdWJsaXNoZXIy MjI2Mw==