75 de congregationibus habendis observantiam, in sancta poenitentia perseverantiam. Finita conferentia mortificatio aliqua, vel oratio, vel actus aliquis virtutis per hebdomadam ab omnibus exercendus assignabitur.83 Poterit etiam in eodem conventu aliquid de bono publico Superior cum senioribus tractare, si occasio, vel necessitas expostulaverit. 5. Ultimo congregabuntur omnes communi signo campanae ad animam alicuius socii iuvandam ex hac mortalitate decedentis, piis monitis, orationibus, lachrymisque humilibus, divinae bonitati et misericordiae commendandam, totis viribus fraterne adnitentes, ne quis in hoc supremo agone de salute sua [p. 35:] periclitetur. Superior sane dabit operam, ut aegro non solum remedia sanitatis tempestive summa charitate provideat, sed praecipue vitae aeternae; qualia sunt: seria peccatorum confessio et detestatio, fidei professio, contra machinationes daemonum protestatio, animae suae in divinas et confessarii manus resignatio, sanctissimae Eucharistiae devotissima susceptio et Extremae Unctionis, invocatio auxiliorum supernorum, in meritis nostri Salvatoris absoluta spes et fiducia. 6. Consuetae preces Ecclesiae circa agonizantem devote absolvantur, anima ferventer Deo commendetur, defuncti cadaver abluatur decenter, pie intra triduum tumuletur, obitus quam citissime per alias domos divulgetur, ut tam Missarum Sacrificiis, quam orationibus et mortificationibus defunctus ab omnibus adiuvetur. Et vos omnes coniuncti benedicatis misericordem Deum in caelis, cui, licet indigne, servitis in terris. a a add. in versu sequenti duplice spatio separato:“Soli Deo Honor et Gloria” (NVC) 83 Cf. Const.S.P., P. I, c. XI, no. III.
RkJQdWJsaXNoZXIy MjI2Mw==