prodromus reginae artium 590 PARS II Recollectiones in Totius Anni Solennioribus Festis [nihil invenitur in f.95v] [f.96r] In Festo Circumcisionis Domini Ante Sanctissimam Communionem 1. “Postquam consummatia sunt dies octo” (Lc 2[, 21]). a in ms. erronee: “confirmati” Audis, quid actum est cum Filio Dei post octiduum? circumcisus est. O te felicem! pro quo iam primo sanguinem suum puer adhuc Salvator fundit. Et tu vitia tua non circumcidis? ut crescant, vis: passiones propter exiguum laborem non superas; vim tuis inferre consuetudinibus recusas. Tu tanta aetate cerebrum frangi tuum nolis, at Iesus octiduanus saxeum cultrum sustinet. Pudeat te ignaviae. Quin ad benignissimum infantem curris, et ab illo vires, animumque passionibus resistendi emendicas; ac obnixe rogas, ut quidquid in te illi displicet protinus abscindat. 2. “Ut circumcideretur puer” [ibid.]. Conquereris abhinc, te non teneri crucis ad omne iugum subeundum, ad quamvis maiorum tuorum voluntatem adimplendam, cum vides legislatorem Deum legi subiacere. Confundere fastuose ac elate anime! si tantopere se Deus sub cultro humiliat, ut, cum sine culpa sit, culpae remedium adhibeat. Numquid etiam grave tibi futurum est mortificationes aliquas subire voluntatis, cum Infans Deus in carne iam vulnera tibi porrigens exemplum parendi et patiendi ferat?
RkJQdWJsaXNoZXIy MjI2Mw==