44 norma vitae 4. Ex his omnibus colligere quisque benevole queat, hoc prae- sens Eremitarum Marianorum Institutum in statu per ius cano- nicum approbato fundatum, nulla alia approbatione indigere. Nam cum pro confirmatione eius Praepositus generalis ad Sanctam Sedem Apostolicam recurrisset,16 totumb negotium inprimis a Sacra Nuntiatura Apostolica Polona per annum fere fuitc examinatum et ex istius informatione in Urbe quoque diutius ventilatum.17 b in ms. legitur: “totumque” (NVR) c in ms. legitur: “fuisset” (NVR) Tandem per Eminentissimum Cardinalem supradictum responsum est, sufficere huic approbationem loci Ordinarii et hanc Normam Vitae ab Eminentia Sua summo studio evolutam summaque sapientia correctam; prout in authenticis Eminentiae suae literis ad Praepositum et Socios datis et Illustrissimo ac Reverendissimo Domino feliciter moderno Antistiti nostro Posnaniensi18 praesentatis et acceptatis continetur.19 [p. 6:] 16 P. Papczyński talem recursum ad Sanctam Sedem anno 1692 per supplices libellos fecit. Cf. Positio, 515-519 (Doc. XIII, 4, a-b). 17 Supplex libellus, quem P. Papczyński die 22 augusti 1692 e Polonia ad Sacram Congregationem Episcoporum et Regularium misit approbationem seu confirmationem Apostolicam sui Instituti petens, die 5 septembris 1692 ad Nuntium Apostolicum in Polonia “pro informatione et voto” mandatus est (cf. ibid.). Informatio Nuntii de Instituto Marianorum, de qua hic mentio facta est, evidenter in forma scripta redacta, ad nos nec in copia pervenit. 18 Agitur de episcopo Ioanne Stanislao Witwicki (1687-1698); cf. HierCat V, 322. 19 Dictae literae ad nos nec in copia pervenerunt.
RkJQdWJsaXNoZXIy MjI2Mw==