423 recollectiones in dominicis Imo hos reliquos in domo Dei annos qualiter consumis? quam tepide! oscitanter! insolenter! Vide, ne, dum veste religiosa Iesum videris imitari, moribus latronem, peius quam saecularem reprae- sentes. Status religiosus neminem salvat, sed vita religiosa. Audisti forsan damnatum illum militem, qui Religionis cuiusdam institutum amplexus habitum militarem cum religioso, non habitus commutavit; ac proinde post mortem in cauda equi vestem religiosam referens ex inferno comparuit.24 Superi avertant, ne tu [f.13v] si nomine tantum, non re simul religiosum egeris, si a saecularibus consuetudinibus malis non recesseris, si tuae vocationi non responderis, similem exitum infelicissimum habeas. 2. “Requirebant eum inter cognatos, et notos” (Lc 2[, 44]). Non potuit castissimus Iosephus cum sanctissima Virgine coniuge Puerum Iesum invenire inter amicos, familiares sanguineque iunctos. Neque, tu, eundem invenies in confabulationibus, curiosa lectione, mundo, plateis, cogitationibus a tuae vitae genere alienis et saecularium conversatione. Audi enim quid dicat Hipponensis Praesul, et Doctor Augustinus, qui ibidem hunc Dominum multo tempore quaeritabat: “Circuivi”, ait, “vicos et plateas civitatis huius mundi, quaerens te,” (Deus) “et non inveni: quia male quaerebam foris, quod erat intus. [...] Mecum eras, et tecum non eram: ea me tenebant longe a te, quae esse non poterant, nisi in te”25. Intus est Deus quaerendus; domi in continuis mortificationibus, non foris inter vanas oblectationes. Nam quidquid curae demum in Deo reperiendo consumas, in cassum abibit, nisi eum inquirendo te mortifices. Scis ubi reperitur Deus? ubi homo relinquitur. Scis ubi Christus invenitur? ubi propria voluntas amittitur, mortificatur, mactatur. 24 Non potui invenire ullum fontem litterarium in quo daretur confirmatio huius eventi; nescitur de quo religioso e milite facto exaplm hic datur. 25 Augustinus, Soliloquia, c. XXXI, 1. 4 : Meditationes, Soliloquia et Manuale, LugduniParisiis 1861, pp. 155-156.
RkJQdWJsaXNoZXIy MjI2Mw==