390 prodromus reginae artium – excerpta non accepit modo cum dote, sed olim iam tenuit haeres illarum a suis Maioribus factus. (u) Cui pro virtutum dignitate laudando non hoc exiguum paginarum aliquot spatium, sed vix iusta volumina sufficerent; (b) Tali, tantoque viro illustrissimam Tuam Germanam sacri matrimonii vinculo iunctam invenisti685, unde Tibi aequa ratio laetandi oritur, atque gratulandi. (b) Sed relego iam orationis meae filum, Tibique cumprimis, Illustrissime Domine, post Excellentissimo Parenti; ac Illustrissimis cum Sorore Germanis, tum reliquis etiam Propinquis et Amicis, ac deinde Nobis, Poloniaeque universae felicissimum reditum gratulor. (b) Gratulor immortalem famam, quam apud exteras nationes, hoc est in universo Christiano orbe, Lubomirscianae Familiae, ac etiam toti Polono generi Tuis ipse virtutibus et moribus comparasti. (b) Gratulor eruditionem, quam tot terrarum gentiumque nobilissimus Peregrinus magna virium ac ingenii coemisti exercitatione. (b) Gratulor experientiam rerum magistram; cui sedulus omnium indagator consequendae unice incubuisti. (b) Gratulor sanitatem, quamintegram[p. 230] incolumemque adproprios Lares reportasti. (b) Gratulor denique singulares animi dotes; quibus ornatius quam quocunque alio externo habitu vestitus eluces. (q) Ad supremumNumen ultimo conversus, ei pro fortunatissimo Tuo hoc reditu maximas grates persolvo; deinde supplico, ut Te diutissime Tuis, nobis, Poloniae, Christianaeque Reipublicae incolumem, florentem, atque beatum velit conservare. Dixi. NOTA. Literas, quae Elocutioni inseruntur, denotare Periodos, ita, ut: u.unimembrem, b.bimembrem, t. trimembrem, q. quadrimembrem, pa. pneumaticam, pc. periodicam circumductionem, p. pneuma, s. schinonotenem, ts. tasim, in. incisa, m. membra significent; quod in gratiam Tyronum factum est. 685 Agitur de eius germana Christina: “Z pierwszego małżeństwa, z Konstancją Ligęzianką, miał Lubomirski [Jerzy Sebastian] [...] córkę Krystynę za Kazimierzem Potockim, kaszt. krakowskim i hetmanem w. kor.” (PSB XVIII, 19).
RkJQdWJsaXNoZXIy MjI2Mw==