349 decimus modus 8. Quis e tenebris lucem emicaturam speret, cum adverso usu discamus, longo tempore aspectu diu privatos solem deinceps non sustinere? 9. Assumendus est omnibus immortalitatis studiosis magnus ille et vere generosus animus; ut Rempublicam eam intelligant, cui nos totos dare et consecrare debemus. 10. Credendum Tullio: “Nihil essea [...] ex omnibus rebus humanis praeclarius, aut praestantius, quam de [p. 64] Republica bene mereri”594, admonenti. a “est” (LCL) [11]. Aeternitas nimirum, quam tantis laboribus quaerimus, intra Rempublicam continetur, ut de ea bene meriti immortalitatem mereantur. 12. Macte virtute N. et publico bono natus publicum solem intuere. 13. Excita scintillas in ortu nobilissimo susceptas; excita semina virtutis in flores, et generosum naturae impetum ad ardua promove. 14. Non nobis solis, sed Patriae nati sumus. Civis Patriae non est, qui sibi vivit: quamquam nec sibi vivere dicendus, qui nulli vivit. Turpe est in cunabulis per tot annos non excrescere, semper ea prospectare, aut iis accubare. 15. Satis quidem se nonnulli generosos putant, si delicatulam prolem ultra sepes comitantem videant: nimirum etiam, si ad tribunalia, aut comitia deductam. 16. Debueram autem fortassis dicere, ad convivia, et popinas; vix dignum homine, non Polono. 17. Viris egemus, non asseclis, non turba. Polonos date Patriae, non famulos; id est fortes, animosos, ad ardua promptos, ad proelia eruditos, ad consilia efformatos. 18. Talem te quoque expectat et sibi poscit Patria: tali frui incipit. Perge passu, quo coepisti, et maioribus insiste curis, maiora laturus praemia laudis, dignitatis. 594 Cicero, Epistulae ad Familiares X, Ep. V, §2: LCL, Cicero VIII, vol.II, 304.
RkJQdWJsaXNoZXIy MjI2Mw==