302 prodromus reginae artium – appendix 26. b. Quare non immerito verbis Apostolorum Principis monemur: ut non nisi ad sobrietatem sapiamus497. 27. b. Taceo alia mille discrimina in quae scientia mortalium plurimorum salutem abducere potest. t. Ille unus inevitabilis scopulus est, in quem magno numero viri docti vento fastus abrepti, sordidaeque iactantiae ex scientia erumpentisc impulsi tempestate, gravissime impingunt; siquidem plane naturale scientiae est, inflare. c “promananttis” (II ed.) 28. u. Quis adhuc his non territus periculis temporaneam eruditionem perenni vitae renuat postponere? 29. t. Vos ego obtestor, Adolescentes literarum studiosissimi, ut tandem victas mihi porrigentes manus, vanam, inutilem, et fortassis multum vobis nocituram studiorum continuationem divinae adhaerendo vocationi relinquatis et omnino ex vestris animis eradatis. 30. b. Subducite vestras naves ex periculosissimomundi oceano et ad religiosae vitae portum felicissimum quietissimumque divinae gratiae afflantibus Zephyris, toto applaudente caelo, universo vere sapientum virorum gratulante senatu, quantocius advertite. 31. t. Nulli vobis iam amplius in navigando scopuli pericula minantur: omnes iam Syrtes498 et perniciosas Charybdes, inanium scientias continuandi scrupulorum mea scapha sum prae- tergressus vobis tutissimum ac salutare demonstrans iter: an me sequi, an vestras post me naves impellere noletis, aut timebitis? 32. t. Adeste animis; committite vela [p. 14] faventissimae Divini spiritus aurae, dum tempus navigandi suppetit; toto virium nisu, toto mentis et corporis conatu, velis ac remis, ad beatissimam religiosi status stationem contendite. 497 Cf. Rom 12, 3. 498 FLL, s.v. Syrtis: “Est locus arenosus in mari, navigantibus periculosus, quod mare ibi vadosum est, arenae vehens cumulos,...”
RkJQdWJsaXNoZXIy MjI2Mw==