274 prodromus reginae artium – pars ii e. Partium enumeratione. Martialis amplificavit hoc Epigramma in Ebrium Appium: “In niveis Appi iam regant bruma capillis: Inque oculis semper vino flammantibus aestas: Bacifer Autumus pingit nasumque genasque: Cumque bibit, florum dulce illi ad tempora Ver est. Sic potans, totum in vultu gerit Appius Annum”448. f. Antecedentia dilatandae orationi serviunt congesta. En Latini Chrysostomi Ieremiae Drexelii exemplum: [p. 180] “Divus Bernardus, elegantis ingenii, et admirandae doctrinae antistes, multa illustria, quaedam etiam b divina scripsit: nullo, aiunt, magistro usum: sola precandi et lectitandi assiduitate ad hoc eruditionis culmen ascendit. Ut legeret, intelligendi fecit cupiditas; ut intelligeret, oratio impetravit; ut vero impetraret, quid nisi vitae sanctitas promeruit? Sic cupiat, sic oret, sic et vivat, qui sic proficere desiderat”449. b add. “paene” (DO) Lege subscriptum Epigramma, in quo mors ab Antec. definitur: “Copia morborum grassetur corpore toto, Opprimat ingenti pondere phlegma iecur. De summo gemitus ascendat pectore, vocem Fatalis presso gutture claudat agon. Effugiat tepidus sanguis plantasque manusque, Ex vultu sudor, fetor ab ore fluat. Frigescat vertex, varientur lumina frontis: Illud erit lethum, mors erit illa tibi”. g. Spectant etiam ad amplificandum Consequentia, ut patet Ciceronis exemplo pro Quin. n. 49 et 50: “Cuius a bona venierunt; cuius non modo illae amplissimae fortunae, sed etiam victus vestitusque necessarius sub praecone cum dedecore subiectus est: is non modo ex numero vivorum exturbatur, sed, si fieri potest, 448 In potui invenire hoc epigramma in operibus Martialis, secundum indicem verborum. 449 Drexelius, Niceta, l. II, c. 3: DO, t.II, 340.
RkJQdWJsaXNoZXIy MjI2Mw==