1135 ??? VOTUM Ad Serenissimam Virginem MARIAM REGINAM POLONIAE Pro Sacra Regia Maiestate Virgo, Poloni quae magis expetis, Regina campi, quam rutilantium Regni Planetarum vocari, Sarmaticae pia cura Gentis. Si Te benignam Noster, adhuc puer, Princeps Patronam legit, et inclitum Nomen perennibus Tuorum Inseruit tabulis clientum; Si Te stupendo tota Polonia Cultu celebrat, si Tibi Sabbatha Siccis in escis transiguntur, Si placitae resonant Coronae, Si sacra passim rite Rosaria Canuntur hymnis mixta perennibus; Si templa toto sparsa Regno Nulla Tuo caruere vultu: Assiste nostro proxima Principi, Scutoque magnae protege dexterae Mentemque Regiumque corpus, Magnanimos stimulas ad ausus. Hoc Rege nobis mellea saecula Unaque deduc aurea saecula: Nostrumque ceu Tuum guberna Principe cum Michaele Regnum.
RkJQdWJsaXNoZXIy MjI2Mw==