1038 christus patiens Porro mellifluus Doctor45 hunc sanguinem Christi convertit in oleum, quod misericordiae symbolum est: ut ostendat, illum pro delictorum nostrorum expiatione ab infinita Charitate promanasse: “O Iudaei!” (vociferatur Bernardus adversus hostes innocentissimi Servatoris) “Lapides estis, sed lapideama percutitis molliorem! de quab resonat tinnitus pietatis, et ebullit oleum charitatis!” (Ser. 4. Hebd. pas.)46. Tanta quippe est Filii Dei miseros in nos pietas, ut ne nos iustissime pro sceleribus nostris caedamur, iniustissime ipse voluerit pro [E4r] iisdem flagellari tam ardenter, tam benigne, tam misericorditer, ut sacratissimus ille sanguis, qui fluminum instar erumpebat e laniato corpore, in oleum transisse misericordiae nostrorum animorum plagis curandis accommodissimum sit censendus. a “lapidem” (BPD) b “quo” (ibid.) Vinctus ad marmoream columnam Iesus pro cuiuslibet peccatoris quolibet peccato concisus atrocissime totus rubeo liquo- re inundabatur, ut quilibet peccatorum “sugeret mel de Petra, oleumque de saxo durissimo” (Deut 32[, 13]). Acerbissima quippe Domini nostri flagellatio nobis in suavissimum mel est conversa, cruorque sacratissimus in oleum desiit pietatis. Quod ut vobis explicatius proponam, recurro ad mirabiles tres fontes, qui hodie etiam visuntur in Ecclesia D. Pauli extra moenia Romana magnifice erecta47. Ex horumprimo cumgustarem aquam sanguinis habuit saporem, ex secundo lactis, ex tertio proprium48. Testatur autem sacra historia, quod cum eo loci huic Principi [E4v] 45 Hoc modo indicatur s. Bernardus Claravallensis, Doctor Ecclesiae († 1153), vocatus “mellifluus” propter “mellifluam verborum ipsius praerogativam “; cf. Oppenheim Filippo, Bernardo di Chiaravalle, santo, e dottore della Chiesa: ECat II, 1423-1435. 46 Bernardus, Sermo Feria Quarta Hebdomadae Poenosae, De Passione Domini, in: Sancti Bernardi Claraevallenis Abbatis Primi Opera Omnia, Parisiis 1615, col. 142. 47 Revera illi “tres fontes” de quibus hic auctor loquitur non inveniuntur “in Ecclesia [i. e. Basilica] D. Paulis extra moenia”, sed distant ab ea ca 2,4 km. 48 P. Papczyński evidenter “tres fontes” visitavit ex eisque degustationem aquae fecit tempore sui primi “itineris Romani” (1667-1668); cf. Positio, pp. 102-103.
RkJQdWJsaXNoZXIy MjI2Mw==