1020 christus patiens Gutta licet nobis satis una sit omnibus; unam Nunc petimus guttam: ne pie Christe nega. Balnea multa latent gutta sudoris in una, Totus in hac mundus, da modo, lotus erit. Discursus II Spontanea Vincula Cohors [...], et tribunus, et ministri Iudaeorum comprehenderunt Iesum, et ligaverunt eum (Io 18[, 12]). Sanctissimus Nolanus Pontifex Paulinus, ut viduae pauperis filium a Vandalis captum libertati ac Matri restitueret, seipsum pro illo tradidit mancipandum. Ultro se contulit in Africam, ultro vinculis obtulit ac servituti13. Tam ardenti charitate erga proximum pectus illud Pontificium flagrabat. Longe tamen amplior [Br] et prope infinitus amor in humanum genus Filii Dei enituit. Vidit nos ab orci Tyranno ligatos vinctosque peccatorum nexibus teneri. Poterat sexcentos modos alios nobis aperiendae libertatis adhibuisse: noluit. Sed factus in similitudinem reorum vinciri ipse voluit, ut nos a vinculis solveremur. In mundum primo e caelo, deinde Ierosolymam, imminente iam necis hora suae, nostrae vero vitae, sese contulit, sponteque capiendum ligandumque permisit aeternam nobis paraturus libertatem. O charitatem immensam! o beneficium inauditum, quibus te verbis explicabo? qua complectar oratione? Spontanea saltem haec Christi vincula fuisse, ubi brevibus ostendero, suavissime, quia per illa revincti sumus, exosculabor. 1. Nondum summae pietatis convivium finierat Servator noster, cum inter ipsa caelestia fercula, divinique nectaris calicem, summo desiderio patiendi moriendique pro nobis accensus, vincirique 13 Cf. Celletti Maria Chiara, Paolino, Ponzio Meropio Anicio, vescovo di Nola, s. († 431) : BS X, 156-160 (P. I: Vita); cf. etiam: TDM XXI, 168 : ed. IHM, p. 86, no. 8.
RkJQdWJsaXNoZXIy MjI2Mw==