-689CAPITULUM GENERALE XI - ROMANUM VIII a. 1987 Litterae Circulares Superior Generalis Congregationis CC. Marianorum ab Immaculata Conceptione B. V. M. Prot. n. 108/86 Capitulum Generale Anno 1987celebrandum convocantes ad Revrendissimos Superiores provinciales, Reverendos Superiores locales et omnes Sodales Congregationis CC. Marianorum. Dilectissimi, ad finem vertente tempore, pro quo regimen generale (anno 1984 in parte modificatum) et regimina provincialia anno 1981 electa sunt, praesentibus litteris, ad normam D 229, consultatione cum singulis provinciis facta, de consensu consilii generalis convoco capitulum generale inde a die 11 Iunii anno 1987 Romae celebrandum. Capitulares Romam venire debeant non tardius quam die 10 Iunii an. 1987. Superiores provinciales curent, ut in provinciis sibi concreditis capitula localia et provincialia tempestive convocentur, memores quod capitula provincialia duobus saltem mensibus capitulum generale praecedere debeant. In capitulis localibus et provincialibus procedendum est modo in legibus nostris praescripto. Superiores provinciales invigilent, ut in capitulo provinciali delegati ad capitulum generale eligantur et negotia in capitulo generali praesentanda tractentur (C 252; D 251/7). Celebratio capituli generalis est res maximi momenti. Proinde etiam hac vice omnes sodales invitantur, ut studiis, labore orationibusque hoc proximum capitulum adiuvent. Ad copiosam benedictionem divinam super proximum Capitulum Generale impetrandam, omnibus domibus ac singulis sodalibus Congregationis nostrae hisce ad normam D 229 imponitur obligatio recitandi "Orationem pro Congregatione" necnon celebrandi magna cum devotione solemnes preces novendiales ad Spiritum Sanctum a die 3 Iunii usque ad diem 11 Iunii anni 1987, ad instar unanimis ac perseverantis orationis, qua per novem dies ante Pentecosten B. V. Maria cum Apostolis in Coenaculo donum Spiritus implorabat (cf. Act 1,14). Benedictio Dei Omnipotentis, Beatissima Virgine Maria Immaculate Con cepta intercedente Sanctisque Patronis Congregationis nostrae adiuvantibus, descendat super Vos omnes et maneat semper. Datum Romae, in aedibus Curiae Generalis, die 16 Novembris an. 1986, in festo B. V. Mariae, Matris Misericordiae. L. S. Donald S. Petraitis MIC Superior Generalis Casimir J. Krzyżanowski MIC Secretarius Generalis
RkJQdWJsaXNoZXIy MjI2Mw==