-59confirmavit felicissimae recordationis Innocentius Papa XII, suis Litteris Apostolicis, directis ad Illustrissimum Regni Nuntium, ad faciendam Professionem supra Regulam Beatae Virginis Mariae Decem Beneplacitorum seu 10 virtutum sub iurisdictione seu directione Ordinis Seraphici existentem, quam Professionem ipsemet Venerabilis Pater Fundator istius Congregationis Marianae in manibus praefati Nuntii fecit. Supplicat itaque praefata Congregatio Reverendissimis Paternitatibus Vestris in praesenti Capitulo congregatis Generali, a futuro feliciter neoelecto Reverendissimo Patri Ministro Generali, quatenus dignetur eandem Congregationem sua Seraphica Protectione fulcire, admissam incorporationem confirmare, novamque Sanctae Sedi Apostolicae huiusmodi incorporationis obtinere [199] approbationem et a loci Ordinarii exemptam suo Ordini incorporare Privilegisque Apostolicis per communicationem exornare. Quam gratiam et singulare beneficium perpetuis suis obligationibus pure [?] memor congregatis Reverendissimis Patribus Vestris uti Colendissimis Protectoribus, conabitur exsolvere ac regratificari, et sicut semel subiectas Iurisdictioni Saraphicae, ita eandem nunc oboedientiam profitetur cum infra Scriptis Patribus suis. P. Andreas a S. Matthaeo Praepositus Generalis mpp. P. Matthaeus a S. Casimiro Assistens mpp. P. Joachim us a S. Anna Assistens et Praesidens Caenaculi Domini mpp. P. Josephus a Iesu Maria Secretarius mpp. P. Carolus a SS. Angelis Praesidens Eremi Corabieviensis mpp. P. Michael a Conceptione Concionator mpp. P. Paulus a Purificatione Concionator mpp. P. Ambrosius a S. Luca Praesidente Goźlinensis mpp. P. Ignatius a S. Matthaeo Poenitentiarius mpp. [Prot.0rd.200] Incorporatio ad Ordinem Seraphicum Frater Laurentius a Sancto Laurentio Lector Iubilatus, Sacrae Congregationis Indicis Consultor, Supremae, et Universalis Inquisitionis Qualificator, Examinator Cleri Romani, Sacri Montis Sion ex Guardianus, et totius Ordinis S. P. N. Francisci Minister Generalis et Servus a Dilectis per Primum in Domino Reverendo Patri Praeposito, Caeterisque Fratribus Praesbyteris, Clericis, et Laicis, tam Superioribus quam Subditis, Ordinis Immaculatae Conceptionis Deiparae Virginis Congregationis Polonae Regulam Decem Beneplacitorum solemniter profitentibus Salutem, et Seraphicam Benedictionem. Redemptor omnium Christus Dominus, qui Virginem singularem in Matrem sibi praeelectam Redemptionis genere redempturus, eam ex praevisis Passionis suae meritis, ab originali labe praeservavit, quique Passionis eiusdem Sacra Stigmata,
RkJQdWJsaXNoZXIy MjI2Mw==