-629Decreta Capituli Generalis VII - Romani IV a. 1963 I. De formatione sodalium 1. De Ratione Institutionis Generali: a) Ratio Institutionis Generalis pro parte iam exarata ad experimentum approbatur. b) Consilium Generale curet, ut deficiens pars Rationis Institutionis Generalis quam primum compleatur. c) Praesertim commendatur, ut Praefecturae in Ratione Institutionis Generali praescriptae sine mora instituantur et Moderatores, Praefecti atque Magistri, vocationum conquisitioni et formationi necessarii, ad normam eiusdem Rationis Institutionis Generalis designentur. 2. De formatione Superiorum et Officialium: Consilio Generali enixe comen- datur, ut a Praefecturis idoneae eerumque moderatores ad formandos perficien- dosque Superiores, novitiorum Magistros, Praefectos ceterasque officialium classes quantocius praeparentur. 3. De Collegiis minoribus erigendis: Videant Superiores maiores, ut ad normam Const. 556 et Rationis Institutionis Generalis habeantur Collegia minora, seu Scholae Apostolicae,vel convictus sive provinciales sive interprovinciales. 4 . De conquisitione et formatione vocationum in novis regionibus: Superiori Generali commendatur, ut in novis quoque nationibus, praesertim vero ubi necessitas vel utilitats maiores esse videantur, vocationum conquisitioni et formationi provideatur. II. De spiritu Congregationis 5. De spiritu Congregationis servando:Videant sodales, praesertim vero ii quorum est spiritum Congregationis servare et fovore, ut spiritus ille ante omnia sit "vere catholicus, ecclesiasticus et religiosus" (Const. 117) utque in perfectione sectanda ea quae a Constitutionibus et legitimis Superioribus praescribuntur fideliter observentur. 6. De nostrae spiritualitatis norma eius interpretatione: Materia ad spirituali- tatem Congregationis nostrae explicandam et illustrandam apta haurienda est, sive pro scientificis dissertationibus sive pro practica sodalium formatione, praeprimis ex generalibus fontibus spiritualitatis christianae ac religiosae, tum etiam ex tota Congregationis historia et traditione in qua primum locum tenent scripta et exempla
RkJQdWJsaXNoZXIy MjI2Mw==