-627celebrandi. Ad Reverendissimos Patres Superiores Provinciales, Locales omnesque Reverendos Patres ac fratres Congregationis CC. RR. Marianorum. Dilectissimi, ad finem vergente sexennio tum Regiminis Centralis, tum Regiminum Provincialium nostrae Congregationis, quae ab ultimo Capitulo Generali, anno 1957 celebrato, constituta fuerant, - praesentibus litteris, ad normam Contitutionum nostrarum, convocamus Ordinarium Capitulum Generale, de consensu nostri Consilii, Romae a die 26 Iunii 1963 celebrandum. Reverendissimi Capitulares, pro posse uno vel duobus diebus ante initium Capituli, sed non tardius, quam die 25 Iunii 1963 iam Romae adesse velint. Curent insuper Reverendissimi Patres Superiores Provinciales, ut in Provinciis sibi concreditis tempestive convocentur Capitula Localia et Provincialia eliganturque delegati ad Capitulum Generale aliaque negotia iuxta normas Constitutionum (nn. 705-711) pertractentur ac deliberentur. Capitulum Generale peragetur iuxta normas Constitutionum (nn. 639-669) necnon Instructionis "De modo celebrandi Caitulum Generale". Ordo tractandorum, pro posse etiam materia (saltem ex parte) tempore opportune singulis vocalibus praesentabuntur. Celebrationem Capituli Generalis esse maximi momenti negotium pro omni et quidem universa Familia religiosa, nemo religiosorum esse debeat, qui hoc nesciat. Capitulum enim Generale est suprema auctoritas cuiusvis familiae religiosae: eius est non solum eligere optimos viros ad munera obeunda sive in Regimine Centrali, sive in Regiminibus Provincialibus, sed etiam ad recte notandas et providendas indigentias et necessitates, vitam religiosam et opera Congregationis gravantes necnon efficaciora media invenienda et applicanda, ita ut profectus, praesertim spiritualis et apostolicus, totius familiae religiosae in dies magis magisque enitescere valeat. Ut vero Capitulum Generale suum tam sublime munus efficaciter expedire possit, omnes et singuli sodales ad adiuvandum illud concurrent necesse est. Praeprimis assiduis et humilibus orationibus privatis, mortificationibus et crucibus, quas fidelis exsecutio obligationum sui status unicuique affert, patienter toleratis, necnon bonis operibus sponte peractis - supernaturale lumen et necessarias gratias pro Capitulo impetrare omnes sodales possunt, neque omittant hoc facere. - Deinde ab unoquoque pro posse diligenter examinentur necesse est tum Constitutiones nostrae, tum vita propriae domus, provinciae et totius Congregationis, notando omnia, tam positiva, quam negativa, ita ut solida materia ad considerandum ac deliberandum in Capitulo confici et Curiae Generali vel singulis vocalibus tempestive praesentari possit. Praesertim hoc desideratur a Superioribus, Magistris novitiorum, Moderatoribus spirius, vocationum et apostolatus operum curatoribus ceterisque officialibus, quorum munus et experientia multum conferre possunt in recte diiudi- candis atque expediendis propositis et negotiis, quorum felix solutio ad rite promovendum bonum commune totius nostrae familiae Marianae maximi momenti est. Ad impetrandam abundantem benedictionem Divinam, de consensu nostri
RkJQdWJsaXNoZXIy MjI2Mw==