-598CAPITULUM GENERALE V - ROMANUM II a. 1939 Litterae Circulares27 27Archivum Generale Marianorum, Cap. Gen. IV - Romanum II - 1939, fasc. I, Antecedentia de convocatione Capituli Generalis Ordinarii anno 1939 celebrandi Praepositus Generalis Congregationis CC. RR. Marianorum sub titulo Immaculatae Conceptionis B. M. V. Via Corsica N. 3 - Roma (137) Ad Rev.mos PP. Superiores Provinciales et Locales et omnes Reverendos Patres ac Fratres Congregationis nostrae. Dilectissimi, cum iam tempus Capituli Generalis Ordinarii prope sit, praesentibus litteris ad normam n. 637 Constitutionum nostrarum Capitulum hoc convocamus ac, de consensu Consilii nostri, Domum nostram Generalitiam Romae pro illo celebrando designamus diemque undevicesimum mensis Iulii anni currentis, qui dies S.Vincentio a Paulo, Patrono Congregationis nostrae dicatus est, pro Capitulo incipiendo statuimus. Reverendissimi ergo Patres Capitulares saltem iam die duodevicesima eiusdem mensis Romam venire dignentur. Curent igitur Reveverendissimi P.P. Superiores Provinciales et Locales, ut Capitula Localia et Provincialia ad normam Constitutionum nostrarum debito tempore convocentur et processus verbales Capitulorum Provincialium suo tempore Superiori Generali eiusque Consilio ad revidendum et approbandum transmittantur. In Capitulo Generali, hoc anno celebrando, praeter vocales, de quibus in n. 639 Constitutionum sermo est, etiam unus delegatus domorum nostraram in Lettonia et unus delegatus domus Harbinensis ex induito Apostołko, per rescriptum S. Congregationis, negotiis Religiosorum praepositae, die 7 huius mensis sub N. 9375/38 concesso, partem cum pleno iure vocis activae et passivae habebunt. Ceterae autem domus, Superiori Generali immediate subiectae, secundum tenorem rescriptorum S. Congregationis de Religiosis de die 20 mensis Ianuarii 1930 anni 7497/29 et de die 7 Ianuarii 1939, N. 9375/38 et ad normam Constitutionum ad Capitula Provincialia delegatos suos mittant. Item Sedes Apostolica per rescriptum S. Congregationis de Religiosis de die 7 h. m. sub N. 9376/38 Excellentissimo Patri Petre-Francisco Bućys, Episcopo titulari Olympeno, qui vi n. 639,f Constitutionum interesse Capitulo Generali ius habet, benigne concessit, ut, praescripto n. 612 Constitutionum et Can. 629 non obstante, cum pleno iure vocis activae et passivae Capitulo participate possit. [2] His, quae membra proximi Capituli Generalis respiciunt, dictis, pauca verbo de momento ipsius Capituli addere officii mei esse duco. Omnia Capitula Generalia pro vita religiosa totius Congregationis semper melius ordinanda maximi esse momenti nemo est, qui nesciat. Illa enim et homines,
RkJQdWJsaXNoZXIy MjI2Mw==