-587in cubiculis asservare Superiores non permittant, n. 284. 54°. - Vigilare oportet, ne sumptio ciborum extra refectorium et tempus ordine diurno praescriptum, vel etiam sumptio extra Domum Religiosam sine iusta causa in usum veniat, n. 285. 55°. - Caritati fraternae inter sodales, imprimis, quibus praxis huius virtutis difficilior esse videtur, mutuo fovendae, Superiores operam dent. n. 288. 56°. - Sciant omnes, optima media ad caritatem servandam augendamque fugam omnis particularitatis esse, recreationis communis observantiam, regularum urbanitatis aestimationem, insuper ex parte Superiorum curam paternam de subditorum necessitatibus, n. 293. [20] 57°. - In omnibus domibus ad normas ss. Canonum et Constitutionum clausura veri nominis instituenda et observanda esse debet, n. 296. 58°. - Superiorum imprimis sit diligens cura, ne verba clausuram respicientia: "quantum fieri potest" n. 296. Constitutionum, negligantur, sed contra, ad strictiorem observantiam clausurae impellant, n. 296. 59°. - Sicubi ad operam culinariam vel aliam similem domui praestandam mulieres invitantur, sint omnino separatae a parte domus ambitu clausurae seiuncta, neque loca clausurae obnoxia ingredi permittantur, n. 296. 60°. - Sodales itinerantes ordinarie tertia elasse viae ferreae s. d. "coaches" et secunda classe navis "touristic" utantur. Tam sacerdotes, quam fratres laici itinere peracto Superiori Domus rationem reddant, n. 305. 61°. - In memoriam omnium sodalium revocatur, epistolas et sacerdotum et fratrum laicorum Superiori Domus resignatas [21] tradendas et ab eo resolutas distribuendas esse, excepto excipiendo, quod iure cautum est. n. 308. 62°. - Superiores vigilent, ut qua par est diligentia silentium ab omnibus iuxta praescriptum Constitutionum et ordinem diurnum domus stricte observetur. In refectorio etiam tempore ientaculi diebus ferialibus silentium obligat, n. 310. 63°. - Domus Religiosae tranquillitati debitae multum affert silentii rationalis observatio, n. 310 in corridoriis s. d. "prothyris". 64°. Eundo in oratorium vel refectorium et exeundo inde silentium semper servare necesse est. n. 310. 65°. - Superiores subditis persuadeaut et ipsi illis proprium exemplum praestent recreationi in communi vacando, ne in desuetudinem cadat, quod a Constitutionibus praescriptum est. n. 313. 66°. - Curent Superiores, ut in Domibus eis subditis et disciplina et ordo universus ab omnibus sodalibus adamussim observetur, ad quod implendum exhortatione [22] et monitione opportune concurrere debent, transgredientes vero et spretae admonitionis reos paterne puniant, bonum commune sine acceptione personarum prae oculis magis quam privatum habendo, n. 315. 67°. - Accurata diligentia in servando ordine diurno ac exercitiorum et occupationum statutis horis executio omnibus quam maxime commendatur. Tarde
RkJQdWJsaXNoZXIy MjI2Mw==