-58416°. - Tendendum est, ut fratres scholastici novitiatu absoluto in proprio lyceo, a saecularibus separato, pro posse cursum ulteriorem doctrinae prosequantur, n. 356. 17°. - Vigilantiae Superiorum, respective Rectorum Collegiorum, committitur, ne alumni ephemeridum lectione tempus inutiliter terant, n. 135. 18°. - Superiores, ne urgente etiam necessitate studentes nondum sufficienter paratos medios in labores ac mundi pericula proiciant. n. 136. 19°. - Praescriptum Constit. de examinibus saltem per quinquennium instituendis, et etiam de casuum moralium et liturgicorum solutione quovis mense adunandis, in praxi exequattur oportet, n. 138.139. 20°. - Sollicitudini Superiorum committitur ordinatio bibliothecae Domus Religiosae et librorum, imprimis asceticorum, ac pro posse mariologicorum, comparatio. 141,142. [11] 21°. Superiores Maiores, admittentes alumnos ad sacros Ordines, tum praescriptum Constit. tum Instructionem s. Congregationis de Religiosis de die 1a. Decembris 1931 anni, scilicet de inquirenda canonica idoneitate, prae oculis habeant, n. 151. 22°. - In propriis Domibus Studiorum dispensatio pro sodalibus super curriculo studiorum ordinarie peti potest, in seminariis tamen dioecesanis, in quibus studentes Mariani aliquando educantur, ad usus loci acccommodari suadetur. 23°. - Sodalibus permittitur ludos s. d. sport exercere, sed mitigate quoad modum et tempus ludendi atque solum sodalium inter se et sub laris Domus Religiosae. 24°. - Ludus chartarum sodalibus Marianis non tantum ex pecunia, sed etiam recreationis causa, tum in domibus nostrae Congregationis tum extra eas, prohibitus est. n. 178. 25°. - Usus "Radii" semper sub vigilantia Superioris maneat, cuius cura esto, ne extra recreationis tempus moveatur, exceptis specialibus casibus ab ipso agnitis. [12] In cubiculis privatis "radio" solum Superiore Maiore permittente uti licebit. 26°. - In Domibus novitiatus vel Collegiis studentium usus "radii" a permissione Magistri novitiorum respective Rectoris studentium dependet. 27°. - Diligenti vigilantiae Superiorum committitur, discussionibus, agitationibus, factionibus politicis vel nationalibus scissionibus inter sodales praecavere et prudenter impedire, n. 180. 28°. - Stricte observare oportet praescriptum Constit., vi cuius theatris et kine- matographis publicis interesse vetitum est. Superiores aliquando pro sua discretione permittunt sodalibus interesse talibus spectaculis, sed solum parochialibus vel associationum catholicarum, sub auctoritate ecclesiastica existentium, semperque loci temporis et paupertatis religiosae respectu habito, n. 181. 29°. - Curae Superiorum committitur observatio a clericis praescripti de tonsura et simplici capillorum cultura, can. 136. C.I.C. sancitum. [13] 30°. - Curent Superiores omni cum zelo, ut oboedientia vere supernaturalis in relationibus mutuis Superiorum et sodalium in dies foveatur et in praxi creseat, n. 194.
RkJQdWJsaXNoZXIy MjI2Mw==