-552necnon Adm. Reverendo Joannę Prusalajtys vicesgerente Regentis Suae Cancellariae Professore Seminarii Seinensis ac Visitationis Generalis Secretario, assumptis etiam in consilium et consentientibus capitulariter Clericis Regularibus Congregationis Immaculatae Conceptionis B. V. Mariae videlicet Reverendisimo Patre Alexandro Romano Wilczyński, Reverendissimo Patre Georgio Naruszewicz Expraepositis Generalibus, A. R. P. Stanislao Okniński, Commissario Generali, M. R. P. Jacobo Malewski, M. R. P. Petro Witkowski, M. R. P. Vincentio Kaczergis assistentibus Ordinis. Perpensis omnibus, examinatis etiam ac etiam coram Domino, trutinatis sequentibus motivis ac rationibus videlicet: 1. Ex assumpto a nobis vi Decreti Sacrosancti Concilii Tridentini sess. XXV c. VEI de Regularibus difficilisque recursus ad S. Sedem Apostolicam munere Delegati S. Sedis Apostolicae erga praefatam Congregationem Clericorum Regularium Marianorum intra fines Episcopatus Nostri sitam, exurgit nobis strictissime urgens obligatio providendi et procurandi omnia quae perpetuam conservationem salutemque praedictae Congregationis necnon observantiam disciplinae regularis promovere stabilireque possint. 2. Cum abdicatum sit in manus nostras seu Delegati S. Sedis Apostolicae munus officiumque Praepositi Generalis Congregationis Marianae a Reverendissimo P. Alexandro Romano Wilczyński supplicante, ut suscipientes totam Congregationem in tutelam nostram ipsi de necessariis provideamus. 3. Cum ad praesens unicus sit iste Conventus Mariampolensis in statu positus habens sibi promissam durationem perpetuam, aliis quippe vi Decreti Imperialis de die 8 Novembris (27 Octobris) anni proxime elapsi, clausis, omnes fere Patres huius Congregationis huc translati sunt et conservatio salusque Congregationis, ut plurimum ab ipso pendeat. 4. Sublatis sive impeditis per leges civiles muneribus functionibusque Praepositi Generalis Capitulique item Generalis, quae unica erat auctoritas propria et proxime competens Congregationis Marianae, plurimi autem interesse ad conservationem Congregationis, ut non sit acephala habeatque in promptu auctoritatem suam legislativam et directivam haud impeditam, praeditam vero potestate sanciendi suas ordinationes. 5. Leges porro civiles haud obstant, quin haec Congregatio sicut caeterae familiae regulares regatur a Praepositis secundum Constitutiones suas, immo explicite id fieri debere declarant dummodo subsit Loci Ordinario nec in aliquo legibus, civilibus adversetur. Statuit ac decernit vigore praesentis Decreti usque ad bene visum S. Sedis Apostohcae valituri sequentia: Art. 1. Munus ac officium Praepositi Generalis Congregationis Marianae una cum potestate legislativa, gubemativa jurisdictioneque cum omnibus suis privilegiis, praerogativis, praeeminendis, facultatibusque transfert in personam Praepositi seu
RkJQdWJsaXNoZXIy MjI2Mw==