-545Admodum Reverendis, Multum Reverendis, Reverendis, Multum Venerandis, Venerandis Patribus et Fratribus Salutem a Domino. Mox in praeterito Capitulo in Conventu nostro Skurzecensi celebrato, Divina dispositione et ordinatione super me indignissimum citra appetentiam et ultra velle, sors cecidit, ac in Praepositum Generallem et visitatorem totius Congregationis Marianae, legitime electus, et pro electo canonicae publicatus sum. Ideoque non aliunde, sed per ostium legitime electionis veni. Supremo itaque Dei, et jure nobis desuper concesso, praesentibus litteris paterne salutamus omnes et singulos Admodum Reverendi, MultumReverendi, Reverendi, Multum Venerandi, Venerandi Patres et Fratres nobis charissimi. Non duximus necesse prius ad vos disquissimos Patres et Fratres per litteras alloqui, quia nostri praedecessores, viri pleni sapientia et spiritu Dei, zelo boni communis nostrae Congregationis Marianae pressi, omnia quaecumque sint salutaria ad fovendam vocationem et perseverantiam in religione Statuta ac praescripta Regulae punctorumque capitularium conservanda et adimplenda. Cultum Divinum cum debita reverentia prosequendum, vota solemnia strictissime observanda et alia similia ad decenter ac religiosi vivendi necessaria jam dum innotescere omnibus nobis fecerunt. Nos solummodo visitatione annuali praeteritis duobus annis contenti necesse habuimus, omnes et singulas nobis excessas oves spirituales pastorali cultu intueri, de earumque indigentiae perfectam notitiam sciscitari, in ambiguis consilia, in deviis monita in angustiis solamen et juvamen, procul ratio aut necessitas in unoquoque conventu exigebat, omnibus et singulis os ad os impertiri. His vero diebus ratione approximantis Congregationis anno currenti celebrandae, praesentes litteras vobis dignissimi Patres et Fratres mittimus [93] volentes certiores vos fieri de Visitatione Canonica omnium conventum quae praecedere debet Congregationem. Hanc vero visitationem ordinemur a Conventu nostro in Puszcza Korabiewska mense Martis anni praesentis, in qua sciscitabimur ante omnia de cultu Deo debito, devota chori et Sacramenti Poenitentiae frequentatione, debita ordinatione et pia persolutione cum exacta stipendiorum et obligationum inscriptarum satisfactione, de Regulae et Constitutionum de observantia, ac etiam utrum vota solemnia castitatis, paupertatis et oboedientiae jacturam non patiantur aut charitas fraterna eliminetur et dissidia foveantur. Ideoque vos dignissimi, Patres et Fratres, obstringimur, ut praeter omnem rancoris aut invidiae spiritum, zelo communis boni, conscientiose si quod noxium aut peccaminosum irripere advertant, pro medela salutari, nobis fideliter adoperiant. Quare nullus quocunque titulo fulgeat, sese eximere praesumat a visitatione canonica. Omnes itaque extra degentes tempore nostri accessus conventum domum suam revocentur et unumque visitari et intueri valeamus. Reverendos Patres Praesidentes obligamur, ut regestra perceptae et expensae pecuniae, inventaria sacristiae, refectorii, culinae, necnon inventaria oeconomica
RkJQdWJsaXNoZXIy MjI2Mw==