-47Oboedientiae degentes, si commode poteritis, alias per dimissione in manibus cuiuslibet ipsorum, copiae praesentium ipsos Auctoritate Nostra moneatis, quos etiam praesentibus monemus. Quatenus quisque ipsorum intra novem dies ab intimatione praesenti, computandos una cum rebus suis Regestris perceptarum et expensarum, ad proprias residentias se conferre, et in ibique sub oboedientia Superiorum suorum se constituere faciant, idque sub poena suspensionis a Ministerio Altaris. Alioquin sin secus fecerint, et praesenti monitioni Nostrae satisfacare recusaverint, declaremus Nos contra unumquemque ex refragariis eiusmodi processuros, ad extensionem dictae poenae suspensionis. In quem fidem datum Varsaviae hac die lma Mensis Augusti Anno Domini 1722. Locus Sigilli. Petrus Tarło Episcopus Posnaniensis manu propria. Indicit item Capitulum Generale electionis Praepositi pro die et loco ut supra Litterae Innotescentiales [Prot.Ord.194] Litterae Innotescentiales habentur hic tenor. Petrus de Czakarzewice Tarło Dei et Apostolicae Sedis Gratia Episcopus Posnaniensis Abbas Commendatarius Paradisiensis. Reverendis ac Religiosis Patribus Marianis Congregationis Immaculatae Conceptionis B. V. M. Nobis in Christo Dilectis Salutem in Domino. Cum in omni tam Saecularium quam Regularium communitate, Caetu, et Collegio, tum demum res, et negotia illius recte, et ordinate regi et administrare advertuntur, dum haec ab uno legitimo illi attributo Rectore gubernantur et administrantur, hinc igitur est quod Nos considerantes Vos Congregationemque Vestram ab aliquot annis legitimo Superiore destitutam esse, atque redintegrationi status Vestri, hactenus exinde nimium perturbati consulere desiderantes, vos hactenus per Archidiaconatum Varsaviensem dispersos ad loca Congregationis Vestrae, quibus assignati fueritis revocandos censuimus ac pro debito officii numeri, futuri Praepositi Generalis Vestrae Congregationis, electionem indicendum esse statuimus, prout omnibus modo, via, forma, stylo quibus melioribus et efficatioribus possumus ac tenemur indicemus per praesentes, ad eamque in residentia Vestra Goźlinensi celebratam Diem 31mam Mensis Augusti et anni curentis praeesse futuram praefigimus et assignamus, Vosque ibidem vocamus et convocamus, pro quo etiam die et tempore ad praefatam residentiam Vestram Goźlinensem specialem Commissarium Nostrum missuri et deputaturi sumus qui electioni eisdem praesideat, et ut omnia diligenter et accurate peragantur attendat. Nos vobis omnibus et singulis suprascriptis intimamus, insinuamus et ad Nostram cuiuslibet Vestrum deducimus, et deduci volumus per praesentes. In quorum fidem Datum Varsaviae hac Die Mensis Augusti A. D. 1722. Locus sigilli Petrus Tarło Episcopus Posananiensis manu propria. Pro quo Actu Capituli Generalis in Commissarium et Praesidentem destinavit Perillustrem et Admodum Reverendum Dominum Nicolaum Zachniewicz
RkJQdWJsaXNoZXIy MjI2Mw==