-46CAPITULUM GENERALE SEXTUM in CONVENTU GOŹLINENSI a. 1722 [Prot.Ord.193] Petrus de Czekarzewice Tarto Dei et Apostolicae Sedis gratia Episcopus Posnaniensis Abbas Commendatarius Paradisiensis. Universis et Singulis Religiosis Patribus et Fratribus Ordinis Immaculatae Conceptionis B. V. Mariae Congregationis Polonae Defunctis Fidelibus et Parochis in Cura Animarum Suffragantibus Professis Salutem et Pastoralem benedictionem. Noverint Paternitates vestrae supplicatum Nobis fuisse quatenus actum Capituli Electionis Praepositi Vestri, ac aliorum pro observantia sancitorum et statutorum, ex Speciati Nostra Commissione indicti et per Commissarium Nostrum in residentia Vestra Goźlinensi celebrati Auctoritate Ordinaria approbare dignaremur. Cuius quoque actus tenor sequitur, estque tatis. Actum in Conventu Goźlinensi Ordinis Immaculatae Conceptionis B. V. Mariae Congregationis Polonae Patrum Marianorum defunctis fidelibus et Parochis in Cura[194] Animarum Suffragatricis. Per Die 31 Mensis Augusti Anno Domini 1722 complacuit Patri Nostro Caelesti pusillo gregi, iam alias per sexenium sine regimine Superioris Generalis (nostris de meritis merentibus) existenti, et iam ad dispersionem exposito dare Nobis Regnum, cum Nobis Ovibus sine Pastore, Filii sine Parente; favente Dei benignitate ad regimen spirituale sub imo Rectore ad meliorem ordinem pervenire licuit, accedente singulari Pastorali, et Paterna protectione Illustrissimi et Reverendissimi Domini Petri de Czekarzewice Tarło Episcopi Posnaniensi Pastoris vigilantissimi, cujus Dioecesis oves sumus, supplicantibus nonnullis Patribus observantiae zelatoribus benignum, huius minimi Ordinis Patrocinium. Qui Ill-mus Dominus pro servando eodem intra fines Regularis Instituti, et disciplinae, praemisit in primis Litteras revocatorias dispersorum Patrum ad proprios conventus, praefati Nostri Ordinis, in tenore prout infra. Petrus de Czekarzewice Tarło, Dei et Apostolicae Sedis gratia Episcopus Posnaniensis Abbas Commandatarius Paradisiensis Admodum Reverendis, Reverendis Venerabilibus, ac Honorandis Viris, Praepositis, Parochis, Commendariis Vicariis, Mansionariis, Altaris tis, Psalteristis, Caeterisque Presbyteris, quibusvis Clericis, Scholarum Rectoribus, Ecclesiarum Ministris, aliisque Litteris Executoribus, tenore praesentis requirentibus, Salutem in Domino. Mandamus Vobis supradictis Executoribus in virtute sanctae oboedientiae, et sub excommunicationis poena. Quatenus ad instantiam Venerabilis Procuratoris Fiscalis Curiae Nostrae Episcopalis Posnaniensis personaliter accedentes Reverendos ac Religiosos Congregationis Marianae Professos per Ecclesias Parochiales Saeculares Archidiaconatus Varsaviensis dispersos ad easdemque Ecclesias Parochiales cum praeiudicio Congregationis et ipsorum professionis, nempe Paupertatis et
RkJQdWJsaXNoZXIy MjI2Mw==