-539praesertim qui vocationis suae opera laudabiliter exercuere, vel qui scandalosa conversatione spiritualis ruinae causam dederunt. Ratio ad unoquoque exigetur eorum, quae sibi una cum officio credita sunt, videlicet zelus et vigilantia in promovenda regulari observantia, a Superioribus oboedientia, sobrietas, mutua charitas, assiduitas in exercitiis quotidianis, ut alii in bona conversatione firmentur, alii in defectibus corrigentur. Praemonemus itaque, ut omnes annuas recollectiones decem dierum absolvant, alias qui desides in hoc praecellenti spiritus exercitio inventi fuerint, tempore visitationis ad peragendas recollectiones adigentur. Actum Congregationis in Conventu Skurcensi die 24 Septembris anni currentis designamus, ad quem omnes Adm. Reverendi Patres Ordinis, Adm. R. Procuratorem Generalem, Adm. Venerandos Patres Assistentes et R. P. Secretarium invitamus, qui pridie scilicet 23 Septembris con... Ipsa die Congregationis cantabitur per applicationem Missa Votiva de Spiritu Sancto, cui Religiosi Fratres Clerici et Conversi peracta Confessione ... Sacramentali assistent. Tandem praesentes litteras ad mensam communem ... et protocollo conventus insertas, juxta dispositum cursoriam Superiores ... Datum in Conventu nostro Skurcensi, die 15 aprilis 1820 ... Thadeus Białowieski Praepositus Generalis Ad mandatum Reverendissimi Praepositi Generalis Stanislaus Pórzycki Secretarius Litterae Pastorales a. 1820 [Prot.Kor.Sydryz151] Thadaeus Białowieski S. T. L. Totius Ordinis sub Titulo Immaculatae Conceptionis Beatissimae Virginis Mariae Clericorum Regularium Marianorum Praepositus ac Visitator Generalis. Admodum Reverendis etc. De voto paupertatis. Ipe status vitae religiosae cuius basis fundatur in votorum solemnium nuncupatione, sufficienter unumquemque convicit, debere religiosum servare vota sub gravi conscientiae suae obligatione, ita, ut si illam negligant, periculo amittende salutis aeternae procul dubio se exponit. Haec est nimirum ratio cui Regula et Statuta Ordinis, necnon puncta capitularia multoties repetita, observantiam votorum et praesertim votum paupertatis sub mortali nota servandum praecipiant. Ab intro Ordinis nostri major custodia viguit huius voti, cum religiosi quidquid acquirebant notificabant Superioribus, pecuniam undequaque collectam cum scitu illorum pro vestitu necessario expendebant. Verumtamen decrescente paulatim hac essentiali observantia statum fuit, ut religiosi Ordinis nostri in una arcula sub custodia depositarii collocata pecuniam deponant, atque inde cum facultate Superioris pro comparandis vestimentis sumant. Eodem puncto cautum legitur, ut seniores non plus quam trecentos florenos, ceteri vero religiosi quinquaginta dumtaxat florenos in
RkJQdWJsaXNoZXIy MjI2Mw==