-492adferre posset emolumentum et singulorum vividius consulere integritatis. Eapropter facto recursu ad Eminentissimum Cardinalem Protectorem Ducem Eboracensem pro indulgenda Capituli Generalis ante terminum sexenii institutione, Deus ipse scrutator cordium et votis nostris cessit, dum pro eiusmodi actu instrumentum extraditum jam tutti teneamus. Illud proinde est motivum et ratio, quam etiam ex decisione Capituli Generalis XIV sessio lma p. 8 repeti liceretur, cur praesentibus Litteris Reverendissimos Admodum Reverendos suis titulis Honorandissi- mos Patres et Fratres pleno cordis appellem jubilo, ut [140] de futuro Capitulo, et eligendo novo Praeposito Generali certiores facti, bonam spem de successu Sacri Ordinis iterum concipiatis. Id quod dum seria egeat deliberatione et consilio perhumaniter invito eos, quos jus sinit, et consuetudo recensitos habere cupit ad eiusmodi actum in Conventu Rasnensi die 20 Octobris anno currenti celebrandum (quam diem et annum fixe determino) videlicet Reverendissimos, Admodum Reverendos Patres Emeritos Raymundum Nowicki S. T. L. in Conventu Mariampolensi, Magistrum Novitiorum [Expraepositum Generalem,Sfcur.], Hilarium Orłowski Ex Commissarium Generalem, Magistrum Novitiorum in Conventu Corabieviensis, Thadeum Białowieski S. T. L. Exprocuratorem Generalem; item Dignissimos Multum Reverendos PP. Assistentes actuales Matthaeum Zielonka S. T. L., Bemardum Woyciechowski S. T. L., Adamum Matulewicz S. T. L. et Felicem Hadrawa S. T. L. Secretarium Ordinis necnon Multum Rev. PP. nominatos Assistentes [Joannem Niezabitowski S. T. L.,Skur.], Leopoldum Wawrau S. T. L., Victorem Wołągiewicz S. T. L. Praesidentem Mariampolensem, qui omnes ante ipsum actum capitularem tribus diebus anticipatius, idque die 17mo Octobris de mane pro ingenua erga me benevolentia et adjuvamine comparere dignabuntur. Eodem affectu et propensive praestolor pro die 18'™ eiusdem mensis post meridiem praesentum M. R. et RR. PP. Praesidentium singulorum respective Conventuum, qui ad locum capituli comportabunt ea, quae de Jure et consuetudine comportanda sunt, una cum testimoniis Lectorum de capacitate et progressu studentum, nec non testimonia Discretorum de statu et regimine conventus cum subscriptione manuum obsigilata, de persolutis etiam recollectionibus, de passivis et activis debitis. Item et notam inventarii domestici et remanentia percepta desideramus. In absentia autem PP. Praesidentium Vicepraesidentes pro Superioribus legitimis suffectos esse debere in virtute Sanctae Oboedientiae indicimus et mandatum oboediendi omnibus injungimus. Nulli tamen religiosorum sub quovis praetextu licebit, praeter recensitos Reverendissimos Dignissimos Patres, locum capitularem adire, sub poenis arbitrio nostro infligendis, quin scripto tenentur datam a nobis licentiam, sed si quid quis honesti habuerit desiderii scripto referri poterit. Ut autem actus isthic ad majorem Dei gloriam et B. V. Mariae cedat honorem, solita suffragia post Matutinum et Vespertinum Officium, a publicatione praesentium praemittenda demandamus, die vero ipsius actus votivam solemnem de Spiritu
RkJQdWJsaXNoZXIy MjI2Mw==