-42Assisten tes, Praesidentes Locorum et alios Patres, qui sexennium post professionem expleverunt. Hi omnes in virtute Sanctae oboedientiae in loco Capitulari die 21 Septembris a prandiis infallibiliter compareant cum modestia religiosa. Ipse vero Admodum Reverendus Pater Praepositus ad comparanda negotia poterit ante Capitulum aliquot diebus adferre plantas. Caeterum nullus sine facultate nostra expressa compareat, sub poenis arbitrariis, qui vero in suis manebunt domibus in regulari dispositione, pace et ordine religioso perseverent sub oboedientia huius Superioris, qui a Nobis determinabitur. Praeterea ut electio futura pro communi emolumento et incremento decore huius Congregationis, mundi aedificatione et cunctorum Fratrum salute, quorum sanguis de manibus Superiorum requiritur, prospere sancteque finiatur in merito salutaris oboedientiae praecipio, ut in singulis locis et ab omnibus in die publicationis harum litterarum usque ad diem celebrationis Capituli inclusive post Vesperas et Matutinum Divini Officii, cum serena mentis elevatione in Deum, tam in choro quam extra chorum recitetur hymnus "Veni Creator Spiritus" cum versibus et collectis etc. de Spiritu Sancto, de Immaculata Conceptione et pro Praelatis et Congregationibus eis commissis; Fratres vero [190] qui non spectant ad Horas Canonicas ad eandem intentionem quotidie recitent Coronam de Beata Virgine Maria. Ipso vero celebrationis Capitulo die exposito prius Augustissimae Eucharistiae Sacramento, Missa de Spiritu Sancto cantetur hora sexta, alii vero sacerdotes singuli Missas privatas de Spiritu Sancto celebrabunt, Fratres vero Clerici et Laici praemissa confessione, Sacrosanctam sumant Synaxim5, ut sic supernis Septiformis Spiritus fulgoribus illustretur eorum mentes ad dignos Congregationis huius deliberandos Superiores et eligendos eosque ne ullus super his ignorantiam praetendere possit. 5EóvaĘtę, zgromadzenie się; tutaj chodzi o zebranie wspólnoty zakonnej na sprawowanie ofiary Eucharystycznej i o przyjmowanie przez nią Eucharystii. Praecipio omnibus Locorum Superioribus sub poena inoboedientiae ut praesentes meas patentes acceptas quam citissime Patribus et Fratribus in refectorio publice congregatis distincte coram plena communitate publicari faciant, nescientibus vero linguam latinam polonice publicent de cuiusmodi publicatione sese subscribant, exprimendo proprium nomen et diem, et ad proximam Domum iuxta itinerarium extra signatum sine mora per fidelem Nuntium transportari curent, Nobisque ex ultimo loco ad manus proprias in Capitulo consignandas. Valete in Domino Iesu Christo eiusque Sanctissima Matre V. Maria Immaculatae Conceptionis amantissimi Patres et Fratres. Quos omnes sincero amplector affectu meique in orationibus vestris mementote. Datum in Conventu Varsaviensi Ordinis Minorum Refermatorum ad S. Antonium Paduanum Die 29 Augusti 1715. Paternitatum Vestrarum et Charitatum paratissimus et humilis Servus Fr Mansuetus Leporini Commissarius Visitator Generalis
RkJQdWJsaXNoZXIy MjI2Mw==