-487Senectutem R. P. Aloisii Długołęcki et M. V. P. Bonaventurae Cieszkowski, eosdem pro Patribus conventus determinat, et quidem A. V. P. Aloisium Długołęcki pro Conventu Mariampolensi, A. V. P. Bonaventuram Cieszkowski pro Conventu Rasnensi et privilegiis patrum conventus gaudere permittit et jubet. M. V. P. Casparo Kaliszewski titulum Reverendi ob exemplarem vitam assignat. 32do. Librum mortuorum nostrorum Fratrum in sacristia appendendum more aliarum religionum juxta formam a Reverendissimo Patre Generali Vicario exhibendam, quilibet Superior conficere tenebitur, ut Sacerdotes pium memento pro defunctis nostratibus ad sacrificia Missae accessuri eo die, quo defunctus quis est, habere facilius possint. Supponit Venerabile Assessorium huic mandato Reverendissimi Superiores Locales alacriter parere debere, eum et generalis opus erit suffragio. 33tio. Consultum est: ut Reverendissimus Vicarius Generalis pro decore sui officii et honestatis Religionis nostrae Marianae currum pro 4 equis procuret, et ex cassa communi solvat. 34to. Qui non absolverunt recollectiones annuas ex religiosis nostris, a data praesentium mox absolvant; non absolventes vero, sub visitatione annuali duplicabunt. Ne vero tales dilationes fiant exercitiorum spiritualium praecipitur, ut una medietas communitatis cum R. P. Praesidente seu Superiore tempore Adventus, altera medietas religiosorum cum Patre Vicepraesidente tempore Quadragesimae in communi absolvant. 35to. Venerabile Assessorium animadvertens Superioris Generalis mandata sperni nullum effectum sortiri, hinc sub virtute S. Oboedientiae mandat, et praecipit omnibus Superioribus Localibus et aliis inferioribus, omnibusque aliis inferioribus, exactissimam mandatorum ejus observantiam; transgressores vero poenis ex nunc mulctari, ut mulctandos infallibiliter decernit. 36to. Pro exigentia negotiorum, et opportunitate designantur residentiales conventus Reverendissimo Vicario: Rasnensis, Mariampolensis, Miroslaviensis, Corabieviensis. 37mo. Quanquam definitum fuit in favorem Lectorum et Concionatorum decisum, ut unam Missam ultra consuetas ad sui intentionem celebrare valeant, nos igitur bene perspicientes intentionem Assessorii pro tunc Generalis, qua mente, et intuitu id indulserit, nunc vero sua frustrari intentione, hinc dictam gratiam derogamus ad tempus bene visum, et pro qualitate laboris, applicativisve suo tempore cuilibet tali officiali determinandum a Reverendissimo Vicario Generali, declaramus, et determinamus et non aliter non obstantibus quibuscunque. [77]
RkJQdWJsaXNoZXIy MjI2Mw==