-480et librariae compositionem: nec non de percepta et expensa pecunia calculum cum adjutorio discretorum sincere conficere; summasque capitales, et alias quascunque ad conventum pertinentes, et ubicunque, et quomodo incensu annuali existentes. Item missarum fundatialium, et perpetuarum singulis hebdomadis, mensibus, vel annis absolvendarum numerum cum nomine et cognomine piorum fundatorum, vel legatorum principio cuiuslibet libri regestrorum synoptice inscribere, et fusius easdem legationum, summarumque capitalium singulas species protocollis cujuslibet conventus cum annexa syngrapharum oblatione, quo in castro territoriali pro memoria exprimere. De absolutis ab omnibus per triennium missis, de fideli pecuniarum in rem conventus expensa juramentum cum subscriptione manuum exposcere; nec non idem juramentum (si ipsi RR. PP. Superiores per semetipsos perceptiva vel expensiva sui conventus vel fabricae administraverint, vel tenuerint) coram duobus vel tribus Discretis suae domus, qualiter omnia in usum conventus, et nihil in suam partem, vel commodum vel sensualitatem expenderint, contulerint, retinuerint, deponere capellanos omnes pro [136] Visitatione Canonica attentis nostri adventus circumstantiis, convocare, nullum enim volumus habere absentem, nisi specialem obtinuerint non veniendi facultatem. Ad impetrandam porro Spiritus Divinissimi gratiam pro feliciori eventu praemissorum et successu Sacri Ordinis, solita suffragia, videlicet: hymnum Veni Crea tor cum versibus collectis de eodem Spiritu Sancto, Baeatissima Virgine Maria et Sancto Michaele Archangelo singulari Ordinis Patrono, post quodvis matutinum, et vespertinum officium, a die intimationis in loco capitulari praesentium faciendae, ut quotidie absolvantur, demandaturi; praesentesve ad viciniorem conventum via cursoria (ingrossatione protocollis intercessa) transmittere sine mora curabunt, et resignationem sui officii fidem RR. PP. Praesidentes in scripto factam, ut moris est, tempore visitationis juxta distantiam locorum ad manus nostras porrigent. Quia vero a Discretorum etiam consilio cuiuslibet nostrae domus pendeant gubernia, hinc RR. PP. Discretorum et Lectorum stricte oneramus conscientiam, quatenus fidele, authenticumque de regimine conventus, de profectu in scientiis, moribus, de capacitate studentium ne morentur exhibere testimonium. Exploraturi igitur in sinceritate et veritate, quid novi, quid reparationis, quid decessus, damni, vel debitorum, quid utilitatis, augmenti, vel mutationis sive per incuriam, sive per remissionem in praecincti huius triennalis Superioratus RR. PP. Praesidentium in conventu accsserit? Relationem suam sigillo munient, et Reverendos Patres Superiores in conscribendis singularum rerum inventariis adjuturi, unum exemplar huiuscemodi pro suo conventu, aliud simile intermediali Capitulo praesentandum confecturi, manu propria subscribent; et si quid, privato ducti respectu in detrimentum conventus, celaverint, sciant se coram Deo vindice et Sacro Ordine infallibiliter responsuros. Haec igitur omnia et alia de more et lege in Visitationibus Canonicis servanda paterno corde et caritate iterato exequenda commendantes praecamur Caelestem
RkJQdWJsaXNoZXIy MjI2Mw==