-452Capitulum Generale Intermedium in Conventu Corabieviensi a. 1785 Litterae Innotescentiales [ProtMar.114] Joannes Raymundus Nowicki S. T. L. Ordinis Clericorum Regularium Marianorum sub titulo Immaculatae Conceptionis Beatissimae Mariae Virginis Praepositus ac Visitator Generalis et in Domino Servus. Admodum Reverendis, Admodum Venerandis, Reverendis, Multum Venerandis, Venerandis Patribus ac Religiosis Fratribus in Visceribus Christi Dilectissimis Salutem ab Eo, qui est vera Salus. Certum est, neminemque latere potest: scopum omnium religiosorum ordinum (qui hodie dum in sinu foventur Ecclesiae) non alium esse, quam propriam impigrem curare perfectionem, mente tranquilla animoque puro Omnipotentem pro populo exorare, omnibusque bonis praelucere operibus, ut Christiana plebs religiosorum accensa ac inflammata exemplis Patrem Luminum glorificet, religiossorumque orationibus suffulta, salutem suam in Nomine Domini operetur. Quae cum ita sint, vos alloquimur Admodum Reverendos, Admodum Venerandos, Reverendos, Multum Venerandos, Venerandos Patres ac Religiosos Fratres in Visceribus Christi Dilectissimos, qui propterea Divina misericordia vocati deseruistis mundum, ut amota mentis caligine, quam infausta humana sapientia animo obducere solet, facilius caelestia contemplari valeatis, ruptis passionum vinculis, iter, quo ad virtutis fastigium properatur, planius vobis reddatis, ac sublatis obstaculis, superatis periculis disjectisque impedimentis (quibus amatores saeculi illaqueantur) non modo fidelius Divina observatis mandata, verum etiam exactius Evangelica adimpleatis consilia. Et eapropter, etiamsi non dubitamus vos omnes et singulos actiones suas ad praefixum dirigere scopum, quia ita in Domino apud nos persuasi sumus (post tot strictas nostras visitationes, post tot crebra monita, post tot edita puncta et sancita) domicilia vestra pietatis, ac virtutis esse officinas intensi Spiritus (quo olim Patres nostri primis nascentis Ecclesiae saeculis accendebantur) esse receptacula; apostolicae vitae (nostris praesertim infeliciter frigescentibus saeculis) vos aliis exhibere normam, et exemplar in acquirendis virtutibus (quae eximia sunt animae religiosae ornamenta) totis vos incumbere viribus; licet si inquam in dubium non vertimus, procul a vobis superbiae abesse umbram et vanitatis pruriginem, a vobis inquam, qui a Iesu Christo discere cordis humilitatem imprimis invitamini; et veluti inficias ire non cupimus, nihil vos in opere admittere hujusmodi, quod ad regulas honestatis non sit exactum, et exteriori modestiae non accommodatum, ita
RkJQdWJsaXNoZXIy MjI2Mw==