-34inseritur uti sequitur. Benedictus Odeschalcus Dei et Apostolicae Sedis gratia Archiepiscopus Thessalonicensis Sanctissimi Domini Nostri Clementis Divina Providentia Papae eius Nominis XI Praelatus Domesticus et Assistens Eiusdemque et Sacrae Sedis Apostolicae in Regno Poloniae et Magno Ducatu Lituaniae cum facultate Legati de Latere Nuntius. Dilecto Nobis in Christo Admodum Reverendo Patri Bonaventurae Klein, Ordinis S. Francisci Strictioris observantiae Reformatorum Exprovinciali, Salutem in Domino sempiternam. Noverit Paternitas Vestra Adm. Reverenda Nobis innotuisse qualiter ipsa deputata fuerit per Reverendissimum Patrem Deodatum a Roma praedicti Ordinis universae Cismontanae Reformatorum Familiae Vice Commissarium Generalem ad visitandos singulos Ordinis, seu Congregationis Suffragaticis Parochorum et Defunctorum in Regno Poloniae profitentis sub glorioso Nomine Deiparae Immaculate Conceptae Beatissimae Virginis Vestro Ordini iam diu incorporatae ac aggregatae atque iurisdictioni Reverendissimi Generalis Eiusdem Vestri Ordinis immediate subiectae. Conventus et Fratres tam in Capite quam in membris aliaque faciendi et exequendi cum facultate etiam convocandi Capitulum in eodemque praesidendi et futuram electionem novi Praepositi Generalis confirmandi et prout latius in ipsis patentalibus litteris sub die 28 Maii anno currenti in forma autentica expeditis. Quibus Nos revisis et grata mente perpensis, ut tanto magis efficaci modo ea omnia quae in supra nominatis Patentalibus Litteris diei 28 Maii praescripta sunt, peragi possint, Paternitati Vestrae Admodum Reverendae cum Nostris etiam facultatibus assister!tiam dandam et facultates quascunque necessarias a Nobis ad effectum huius- modi visitationem conventuum et personarum RR. Patrum et Fratrum praedicti Ordinis seu Congregationis Beatissimae Virginis Mariae Immaculate Conceptae Parochorum et Defunctorum Suffragatricis, tam in Capite quam in membris peragendi, correctiones et reformationes, ubi necesse fuerit faciendi, Capitulum convocandi, in eodem praesidendi et electum Praepositum Generalem caeterosque officiales confirmandi, tribuendas duximus, tribuimusque per praesentes mandandas prout mandamus omnibus et singulis religiosis praedicti Ordinis seu Congregationis, ut Paternitatem Vestram Admodum Reverendam pro legitimo Visitatore et Praeside recognoscant [185] ordinationes, correctiones et Decreta Paternitatis suae suscipiant, prompte eidemque obediant sub poenis ipsi Paternitati Vestrae Admodum Reverendae tanquam Visitatori et Praesidendi bene visis et aliis arbitrio Nostro extendendis contra inoboedientes quatenus etc. non obstantibus etc. In quorum fidem Datum Varsaviae Die 17 Augusti 1712. Locus Sigilli Benedictus Archiepiscopus Thesalonicensis Nuntius J. C. De Vannis Auditor Generalis Adelbertus Skwarczyriski Cancellarius Tantis itaque mandatis oboedienter et reverenter parebo et residuis meis non
RkJQdWJsaXNoZXIy MjI2Mw==