-27- [Prot.Ord.180] Statuta seu particulares Ordinationes in Capitulo sancitae et ab Illustrissimo et Reverendissimo Nuntio approbatae. [181] Actum in Conventu Goźlinensi sub titulo Matris Dolorosae electiones canonicae Admodum Reverendi Patris Praepositi Generalis Ordinis Immaculatae Conceptionis B. V. Mariae die 18 Februarii Anno Domini 1710. Adm. Reverendus P. Bonaventura Klein Exminister Provincialis Ordinis Minorum Reformatorum Provinciae Sancti Antonii Maioris Poloniae Sacrae Theologiae Lector, Guardianus Varsavienisis, Nostrae vero Congregationis in praesenti Capitulo Electionis novi Praepositi Praesidens. Accedens ad canonicam electionem Praepositi nostri Generalis habita prius pro hoc celebrando actu Illustrissimi et Reverendissimi Domini, Domini pro tunc in Regno Poloniae existentis Nuntii Apostolici licentia, cum plena Auctoritate eiusdem celebrandi, statuendi, decidendi, denunciandi in omnibus hunc actum concernentibus de tenore tali: Nicolaus Spinola Dei et Apostolicae Sedis gratia Archiepiscopus Thebarum Sanctissimi Domini Nostri Clementis, Divina Providentia Papae eius Nominis XI Praelatus Domesticus et Assistens Eiusdemque et Sanctae Sedi Apostolicae in Regno Poloniae, Ducatu Lituaniae, cum Facultatibus Legati de Latere Nuntius. Dilecto nobis in Christo Admodum Reverendo Patri Bonaventurae Klein Exministro Provinciali Ordinis Sancti Francisci Strictioris Observantiae Reformatorum salutem in Domino sempiternam. Noverit Paternitas VestraAdmodum Reverenda recursum factum fuisse ad nos pro parte Admodum Patrum et Fratrum totiusque Ordini Mariani Immaculatae Conceptionis Beatissimae Mariae Virginis et expositum, quomodo finito gubernio Praepositi Generali dicti Ordinis hactenus per Admodum Reverendum Patrem Ioachimum a Sancta Anna exercito ipsa Congregatio Mariana praedicta sine Superiore legitimo existât. Nobis propterea humillime supplicatum, quatenus eandem Congregationem et Ordinem protegentes ipsis Capitulum celebrandum. Novi Praepositi electionis indiceremus et Praesidentem qui huiusmodi Capitulo celebrando praeesset deputeremus. Hinc est quod de prudentia dexteritate et zelo Admodum Reverendae Paternitatis vestrae plurimum in Domino confidentes eidem committedum esse duximus, prout committimus per praesentes quatenus facta conferentia cum ipsis Patribus Marianis antedictis tempus celebrandi Capituli iuxta necessitatem et commoditatem illorum, nec non Admodum Reverendae Paternitatis vestra indicet Auctoritate Nostra, et in eadem pariter Auctoritate Nostra Praesideat. Novum Praepositum Generalem per scrutinia elicienda eligi faciant, taliter electum pro legitimo Praeposito pronunciet. Caeteraque peragat iuxta occurentiam necessitatem seu exigentiam. Nos enim adhuc effectum prout et alios effectus, si qui occurrent plenam facultatem decidendi et statuendi tanquam in Capitulo Generati
RkJQdWJsaXNoZXIy MjI2Mw==