-2863tìo. Decidit Venerabile Assessorium missas remanentes post antiquum Praesidentem, ut novus Praesidens curet ipsas absolvere etiamsi, pecuniam illam conventus pro necessitate expendisset. 4to. Quivis juramentum pro missis deponens adscribat suas rationes ad Venerabile Assessorium de non absolvendis. 5to. Confirmat Venerabile Assessorium punctum in Conventu Goźlinensi tempore Annualis Congregationis ratione missarum Adm. Ven. Patris Assistentis usque ad Capitulum. 6to. Decidit Venerabile Assessorium Rev. Pater Praesidens Rasnensis licet si triennium finiverit, maneat in suo officio Praesidendae usque ad Capitulum. L. S. Fr Cyprianus Fiałkowski Praepositus ac Superior Generalis Patrum Marianorum mpp. Fr Damasus Vocal Secretarius Congregationis mpp. Congregatio Generalis in Conventu Skórcensi a. 1759 Litterae Innotescentiales [Prot.Ras.90] Fr Cyprianus Fiałkowski Congregationis Immaculatae Conceptionis Beatissimae Virginis Mariae, Patrum Marianorum Praepositus ac Superior Generalis et Servus. Dilectis Nobis in Christo Adm. Reverendis, Adm. Venerandis, Reverendis, Multum Venerandis Venerandis Patribus, ac Charissimis Fratribus Salutem ac Benedictionem ab Eo Qui est vera Salus. Triumphali, Gloriosissimi Salvatoris Nostri stimulatus Assumptione, qui dum post exantlatos Redemptionis generis humani labores ferebatur in caelum benedictionem suam Divinam omnibus impertitus est, ne vero ex recessu suo corda in terra relictorum maestitiae replerentur, consolari eos per adventum Spiritus Sancti appromisit. Hoc inquam motus Salvatoris nostri exemplo principium omnis operis summens a Deo recurrente Annualis Congregationis tempore praesentibus Innotescentialibus Litteris futuram Canonicam Visitationem per conventus pro celebranda Congregatione praevia benedictione Adm. Reverendis, Adm. Venerandis, Reverendis, Multum Venerandis Patribus ac Fratribus insinuo. Sedulo in ea investigaturus num Mariano nomini et ipsa correspondeant opera an videlicet Regulam quam benevole professi sunt, necnon Constitutiones ac alias leges sancitas exacte observantes, utrum in pace et charitate fraterna se mutuo
RkJQdWJsaXNoZXIy MjI2Mw==