-19directioni et patrocinio se suamque concredidit Congregationem, quatenus finito Praepositurae suae triennio, possit ac valeat ex Provincia Nostra habere Virum, qui in memoratae Congregationis Capitulo praesidere votantesque possit ac debeat dirigere. Hinc cum idem Reverendissimus Pater Commissarius Generalis, dicto Admodum Reverendo Patri Praeposito Generali ad libitum sibi eligendum indulserit subiectum. Idemque Admodum Reverendus Pater praepositus Generalis suam Paternitatem Reverendam utpote virum in peragendis publicis functionibus practicum et probatum pro suo Commissario et Capituli Praeside elegerit. Nos ejusdem A. R. Patris Praepositi Generalis postulatis pro emerita Patris, Vestra Persona ad tale munus assumenda, nobis factis ex corde annuere cupientes Paternitatem Vestram Reverendam tenere praesentium invitamus et rogamus, ut hoc charitativum obsequium a Reverendissimo Patre Commissario Generali Superiore Nostro Colendissimo sibi commissum libenter acceptet, et dictae Congregationi in futuro Capitulo cui copiosa Dei benedictione, specialique Spiritus S. assistentia praesideat, ac etiam (si memorato Adm. Reverendo Patri Praeposito Generali, eiusque Venerabili Assessorio visum fuerit) Religiosos ejusdem Ordinis Canonice visitet. Caeteraque quae majorem Dei gloriam et istius novellae plantationis majus respiciunt emolumentum et incrementum sedulo exequatur, copiosam pro charitativo zelo et obsequio desuper recepturus renumerationem. Datum in hoc nostro ad S. Josephum Conventu Miednievicensi die 7 Septembris 1705. Fr Bonaventura Klein Minister Provincialis mpp. [Prot.Ord.173] Innotescentiae Commissarii Frater Norbertus Dziewierscius Ordinis Minorum Reformatorum Conventus Varsaviensis Guardianus et ad Capitulum Congregationis Marianae Praesidens electus et deputatus eiusdem Mariani Instituti, Omnibus et Singulis Patribus et Fratribus salutem et copiosam benedictionem. Cum secundum Litteram Romanam Reverendissimi Patris Fratris Ioannis Antonii de Panormo huius Cismontanae Familiae Ordinis Minorum tam Observantium quam Reformatorum Commissarii Generalis, tum secundum determinationem Admodum Reverendi Patris Fratris Bonaventurae Klein, istius in Majori Provinciae Poloniae Reformatae Minorum Provincialis, et Superioris immediati. Mea vilitas per Admodum Reverendum Patrem Fratrem Ioachimum a S. Anna Vestrae Congregationis Praepositum Generalem proposita et expetita ad munus et officium Praesidis Capituli proxime imminentis memoratae Vestrae Congregationis Marianae sit. Nos qui ex Nobis ipsis infirmi sumus merito oboedientiae stabili, functionem Praesidendi suscepimus, qua de materia praesentes per litteras officium, et locum, et tempus celebrandae Vestrae Congregationis
RkJQdWJsaXNoZXIy MjI2Mw==