-213quod invito Admodum Reverendum Patrem Praepositum Generalem, Admodum RR. PP. Congregationis, AA. Venerandos PP, Assistentes pro die nona mensis Novembris, pro Vesperis. RR. Patres Praesidentes, pro die 10 mensis Novembris pro Vesperis voco et cito in virtute Sanctae Oboedientiae. Si quis autem comparere neglexerit, sciat me ad omnes Actus Capitulares progressurum ut legitime factos, ac si omnes praesentes fuissent approbaturum, et iuxta leges religionis confirmaturum. Omnes autem et singuli legitime non impediti comparere renitentes, voce activa et passiva per decennium privandi declarantur. Omnibus non citatis cuiuscunque sint gradus et conditionis, sub poena apostasiae sub quocunque pretextu, aut colore sine mea licentia comparere ad Capitulum inhibeo.Admodum RR. Patres Superiores schemata secum forant, de perceptis et expensis eleemosynis, de Constitutionibus observatis, de missis absolutis et absolvendis. Quoniam omne bonum datum, et omne donum perfectum, desursum est descendens a Patre Luminum, imploremus omnes Divinam clementiam, ut nobis det de rore caeli provideatque Dominus Deus Spiritum omnis carnis hominem qui sit super multitudinem hanc, virum qui sit columna nubis praemonstrantis populo Israel viam in deserto. Qui sic possit praelucere Inclitae huic Congregationi Polono- Marianae, ut sub eiusque suavi gubernio promoveatur Gloria in Excelsis Deo et in terra pax hominibus. Rogo insuper, ut omnes maneant in conventibus in die Capituli. Consuetae orationes post Laudes et Vesperas fiant ab omnibus pro felici successu futurae electionis scientibus legem loquor. Missa de Spiritu Sancto in die Capituli mane cantetur, in ea omnes fratres Clerici et fratres Conversi devotissime communicent. Omnes Patres Sacerdotes collectam de Spiritu Sancto in Missis suis addant. Conceditur omnibus ad placitum hac die confessarius libere eligendus, dummodo sit ad confessiones audiendas iam exspositus et approbatus, qui possit absolvere ab omnibus casibus et censuris. Quae omnia ut ad omnium notitiam veniant, rogo RR. Patres Superiores Locales, ut has patentes litteras faciant publicari in plena communitate legi, explicari, lingua vernacula, in protocollo conventus scribi, et ad viciniorem conventum per fidelem hominem transmitti. Valete Patres et Fratres in Christi visceribus Dilectissimi, pro Reverendissimo Patre Nostro Commissario Generali Superiore Colendissimo et pro me indignissimo Servo suo Deum orate. Datum in hoc Nostro ad Immaculate Conceptam B. V. Mariam Conventu Rasnensi die 22 Octobris Armo Domini 1750. Locus Sigilli Fr Hyacinthus Szalwiecki Commissarius Visitator Generalis mpp.
RkJQdWJsaXNoZXIy MjI2Mw==