-208solatii praebere valeam. Decerno vero Congregationem annualem fieri in Conventu Korabioviensi 30 Iunii, ad quam legitime celebrandam (prout de jure pertinet) invito humanissime Adm. Reverendos Patres Congregationis, Adm. Venerandos Patres Assistentes, ut sistant in praedicto conventu duobus diebus ante actum Congregationis hoc est 27 Iunii. Patrem vero Secretarium ut me expectet in Conventu Goźlinensi 16 Iunii, aliis autem ibidem accedentibtis facultatem omnino interdicimus sub poenis nostro arbitrio ferendis. Volumus autem, ut regestra perceptarum, et expensarum accurate et fideliter connotata et a PP. Discretis semper post quadrantem anni subscripta nobis transmittantur, ad videndam fidelitatem tam Superioris Localis quam depositarii. Item juramentum fidelitatis de absolutis missis, et resignationem officii suae praesidentiae quilibet Superior Localis, nec non ut Lectores tam SS. Theologiae quam moralis capacitatem suorum sibi concreditorum studiosorum testimonia conscientiose nobis exhibeant in scripto sigillato, prout sonant Ordinationes Capitulares immediate praeteritae. Item curabunt Reverendi Patres Superiores Locales facta intimatione visitationis meae contentare Patres et Fratres quoad redditionem habitus et aliorum necessariorum unicuique secundum praescriptum Congregationis praeteritae, ne turber querellis tempore illo. Praeterea ut inveniam bibliothecam et sacristiam juxta regestra bene compositas, item inventaria conventus pecudum conscripta, frumenti cuiuslibet residuitatem et alia ad conventum quemlibet pertinentia, uti cormotationes agrorum, pratorum etc. Ut autem hae litterae meae omnibus innotescant, curabunt Reverendi Patres Superiores Locales eas tempore mensae legi, ad intelligentiam uniuscujusvis, et in fibrum ad id paratum ingrossali; tandem subscribendo se in his meis innotescentialibus de facta lectione et ingrossatione, sine mora per fidelem aliquem cursorem ad proximum conventum has meas patentes transmittent in cooperto sigillato cum inscriptione ad Superiorem conventus proximioris. Et quoniam haec visitatio absque Divino adiutorio fieri nequeat, quapropter pro meliori incremento Congregationis et uniuscujusque desiderio facta publicatione imploretur in dies Divina Majestas, mane post Tertiam Conventualis Missae tempore, Vesperi finito Matutino per hymnum Veni Creator Spiritus cum versu et oratione nec non de Immaculata Conceptione, cum oratione Defende quaesumus etc. Tempore vero actus Congregationis quilibet Superior Localis Missam de Spiritu Sancto curabit decantari et omnes Sacerdotes in suis privatis Missis collectam apponent de eodem Spiritu Sancto. Fratres vero Clerici et Laici confitebuntur et sub eadem Missa Sacram Synaxim sument ut Deus Ter Optimus Maximus benedicere dignaretur actui huic. Recommendo quoque piis precibus introductionem Nostrorum in Rasnam, quae erit die Dominica infra Octavam Corporis Christi, nam ex reditu meo Vilna
RkJQdWJsaXNoZXIy MjI2Mw==