-174necessitas disponere postulaverit) tanquam legitimos Superiores instituo et nomino, iliisque omnimodam oboedientiam et reverentiam ab omnibus exhibendam recommendo. Curent proinde neoinstituti Superiores omni charitate praeesse suae communitati pietati et devotioni quam diligentissime invigilando: caveant insuper eleemosynas [43] in quavis specie a benefactoribus oblatas dilapidare. Ut autem capitularis actus et negotia publica Deus aspirando praeveniat et adjuvando prosequatur idcirco suffragia consueta post Vesperas et Laudes immediate a publicatione harum in singulis conventibus persolvenda recommendo. Ipsa vero die capitulari post Primam, Missa de Spiritu S. in singulis conventibus decantetur, in qua omnes Fratres Clerici et Laici communicent, pro felici successu Capituli suas applicantes devotiones, Sacerdotes vero privatim celebrantes de eodem Spiritu Sancto collectam apponant. Ut autem nostrae Invitatoriae Litterae omnibus innotescant, curent Patres Superiores in suis communitatibus eas exacte legere et publicare ac ad intelligentiam cuiusvis lingua vernacula explanare, et deinde protocollo conventus sui diligenter ingrassantes sine mora per fidelem cursorem juxta annotationem a foris appositam transmittere. Ut vero commodius uniuscuiusque desideriis inservire valeam, curent Reverendi Patres Superiores tempestive congregare omnes Patres et Fratres pro tempore Canonicae Visitationis ne ob absentiam alicui contingat suis frustrari desideriis. Valete in Domino Patres ac Fratres Honorandissimi measque exantlatas vires obsequio Vestro consecratas ac prosperum functionis meae successum Supremo Numini devote commendate. Datum in Conventu Skurcensi ad S. Paulum die 1™ Iunii Anno Domini 1747mo. Fr Franciscus Reformatorum L. S. Commissarius Visitator Generalis. Ordinationes Capitulares [Prot.Ras.60] Ordinationes Capitulares, sancitae in Conventu Korabio- viensi die 19 Iunii anno 1747 Praeside Adm. R. P. Francisco Kowalski Reformatae Provinciae Majoris Poloniae, S. t. Lectore, ac Patre Provinciae, quarum tenor sic sonat. [ProtKor.Sydry-26] Ordinationes Capitulares sancitae in Conventu Korabiovie- nsi die 19 Iunii anno 1747 Praeside Adm. R. P. Francisko Kowalski Reformatae Provinciae Maioris Poloniae, S. Theologiae Lectore, ac Patre Provinciae, quarum tenor sic sonat. [ProtGoźL46r] Ordinationes Capitulares sancitae in Conventu Korabio- viensi die 19 Iunii anno 1747 Praeside Adm. R. Patre Francisko Kowalski Reformatae Provinciae Majoris Poloniae, S. Theologiae Lectore, ac Pater Provinciae, quarum tenor sic sonat.
RkJQdWJsaXNoZXIy MjI2Mw==