-156Pastore inferiore concessas revocatas, et irritas declaro mandando sub poenis, ne ullus Patrum, vel Fratrum ante Visitationem Canonicam quocunque praetextu extra termines, seu districtum sui conventus absque nostra licentia expressa egrediatur. Quinimmo exterres quicunque sine mora revocentur, ut in adventu meo cognoscam electas oves meas, et cognoscant me meae. Ut autem haec mea Canonica Visitatio a Ter Optimo Maximo Numine suum principium, nec non desideratum cum incremento spirituali hierarchiae Vestrae sortiatur effectum enixe Divinam opem implorate meamque in hac operosa functione virium utrumque hominis tenuitatem ad aras commendate. Ut finito Deo adiuvante cursu visitationis meae primaria sidera huius Sacrae Congregationis Polono-Marianae in unum collecta salutari liceat, novoque ordine ac ordinum succedentia quendam concentum Mariani huius caeli efformare vitisque Vestris inservire valeamus. In fundamento itaque expressa licentia Reverendissimi Patris Raphaelis a Lugagnano totius Seraphici Ordinis Minorum [36] Ministri Generalis Superioris nostri Colendissimi Capitulum huius Congregationis Polono- Marianae in Conventu Skurcensi Conversionis Sancti Pauli instituere decrevimus, die tertia mensis Novembris anni currentis 1744 ad quod eos ad quos de jure invitamus, et Convocamus, nempe Admodum Reverendum Patrem Vicarium Generalem, et Admodum Reverendos PP. Congregationis, Reverendos, PP. Assistentes, nec non Multum Venerandos respective conventuum Praesidentes. Et in merito salutaris oboedientiae praecipimus iisdem, ut in praefato conventu studeant efficaciter singuli comparere, eo videlicet ordine, ut Admodum Reverendus P. Vicarius, et Admodum Reverendi PP. Assistentes, et Admodum Reverendi PP. Congregationis pro die prima mensis Novembris praesentiam suam nobis in loco Capituli concedere dignentur. Patres vero Praesidentes pro die secunda mensis Novembris comparere dignabuntur. Ne vero conventus suis ordinariis destituantur Superioribus inde cursu visitationis nostrae instituemus, ac determinabimus sub tempus Capituli Vicepraesidentes praecipientes iisdem enixe ut Sacras Communitates in charitate, pace paterne benevole, una cum debito fervore observantiae regant. Commendamus item Patribus Superioribus Localibus ut regestra missarum tam absolutarum, quam absolvendarum ad Capitulum secum deferant, juxta praxim communem, et maxime innixi Constitutioni Innocentii 13, quae incipit Nuper etc. sub datum 10 Ianuarii Anno Domini 1697. Praecipimus item ut iidem Patres Superiores attestationem juratam ac cuiusvis Sacerdotis manu subscriptam supra integerrimam celebrationem missarum. Ut autem felix fortunatumque sit huius Sacrae Congregationis Polono- Marianae capitulariter negotium, idcirca a Patre Luminum, et Consolatore Optimo, humilibus precibus exploranda gratiae, subsidia, in cuius effectum consueta suffragia in omnibus conventibus injungimus duabus hebdomadis ante Capitulum peragenda, hoc est post Matutinum et Vesperas dicatur hymnus Veni Creator Spiritus cum tribus collectis: de Spiritu Sancto, de Immaculata Conceptione, et tertia Communis pro felici
RkJQdWJsaXNoZXIy MjI2Mw==