-155Litterae Innotescentiales P. Commissarii Generalis [Prot.Cor.34] Fr Fulgentius Woiewodski [=Wojewódzki] Ordinis Minorum S. P. Nostri Francisci Reformatorum Provinciae Majoris Poloniae S. Antonii Paduani, Sacrae Theologiae Lector, Exdefinitor, Guardianus Actualis Conventus Bialensis, Congregationis vero Polono-Marianae Ordinis Immaculatae Conceptionis Beatissimae Virginis Mariae Commissarius, Visitator Generalis, et Servus. Admodum Reverendis Reverendis, Multum Venerandis Venerandis Patribus ac Caeteris Dilectissimis in Visceribus Iesu Christi huius Polono-Marianae Congregationis Fratribus salutem copiosam gratiarum divinarum affluentiam.[35] Suprema Hierarchia Seraphica potestas, ante paucos annos hanc Polono- Marianam Congregationem allocuta per me, nunc demum suae Auctoritatis Baiulum, suae Charitatis Paternae interpretem selegit. Os Nostrum itaque secundo patet ad Vos Patres Charissimi, ac Fratres [di]Lectissimi cor nostrum dilatatum est, os inquam ad effundenda verba salutis, cor ad promenda vota mariana charitatis. Nec solus ego ad animos, auresque Vestras orator compareo. Ecce dedit verba sua in ore meo Reverendissimus Pater Raphael a Lugagnano, totius Seraphici Ordinis Nostri Minister Generalis Superior noster Colendissimus, qui per me idiota pacem Vobis, et salutem nuntiat in Spiritus Virtute. Cumque conceptum quem condigne gerit de Sacra hac Congregatione Polono-Mariana, per me voluit expiatum Paterna igitur ille vos alloquitur lingua, ut Filios Dilectionis suae ego Materna consaluto. Antequam vero faventibus Superis unicuique Vestrum, os ad os loqui liceat, paucula quaedam litteris praesentibus visum est praeloqui, mentemque meam Vobis in omni candore aperire! Cum videlicet a praenominato Reverendissimo Patre Ministro Generali imbellibus humeris meis impositum sit onus Visitatoris Generalis Sacrae huius Congregationis Polono-Marianae, Canonicam illius Visitationem in omnibus et singulis conventibus juxta Leges nostras pertractandam indico lustraturus Vestram Hierusalem Marianam, ut aciem Castrorum Dei Sancte Ordinatam. Ne tamen aliquid in Legalis Visitationis actu meae, aut Vestrae paci, et consolationi cucurrat adversum, obtestor in visceribus ejus, qui est Deus pacis, et Pater consolationis, ut Suam quilibet ita coordinet conscientiam, quatenus extra spheram recti iudicii, sinceritatis, et charitatis fraternae, praesertim in defectibus Fratrum deponendis non audeat excedere. Nec aliquis persuasum sibi velit, de iure visitata, correcta, et punita, iterum aut audiendum, fore gratanter aut bis quia idipsum a me puniendum. Si quae tamen forsan contra communem huius Gregis Marianae felicitatem vergere, aut extra verae justitiae cancellos exorbitare prudenti judicio censeantur, ea cum omni fiducia mihi praesentare, et deferre obstringo. Bonum enim commune huius Polono-Marianae Congregationis unice corde habeo et innocentiae defensionem, si forte humano aliquorum vitio contigerit, cum vapulare, et praeterea quia me non volentem, sic uti nec valentem, ad hocce ministerium voluit Deus praeesse Pastorem huius Vestri Sanctissimi gregis, propterea tenore praesentium omnes Litteras Obedientiales ab alio
RkJQdWJsaXNoZXIy MjI2Mw==